బాలివుడ్ హీరోయిన్ అనుమానాస్పద మృతి

Posted: 05/18/2015 02:57 PM IST

Bollywood actor shikha joshi dies after slitting her throat

మరో బాలీవుడ్ నటి అనుమానాస్పద స్థితిలో మృతి చెందారు. 2013లో బాలీవుడ్ లో తేరంగ్రేటం చేసిన నటి శిఖా జోషి.. తన బిఏ పాస్ చిత్రంతో బాలీవుడ్ ప్రేక్షకులకు సుపరిచితం అయ్యారు. దేశా ఆర్థిక రాజధాని ముంబైలోని వెర్సోవా ప్రాంతంలో తన అపార్టుమెంటులో కంఠం తెగిన స్థితిలో రక్తపు మడుగులో శవమై పడివున్నారు. ఈ అపార్టుమెంటులో మరో మహిళతో కలిసి నివసిస్తున్న అమె.. తనంతట తాను ఆత్మహత్య చేసుకుందా లేక ఎవరైనా హత్యచేశారా..? అన్న కోణంలో పోలీసులు కేసును నమోదు చేసుకుని దర్యాప్తు చేస్తున్నారు.

శనివారం నాడు ఆమె స్నేహితురాలు స్నానపు గది తలుపులు వేసి ఉండటం గమనించింది. తలుపులు తెరవాలని శిఖాజోషికి సూచించింది. రెండు నిమిషాల్లో తలుపు తీస్తానని చెప్పిన సదరు నటి ఎంతకూ తలుపు తీయలేదు. దీంతో అనుమానం వచ్చిన ఆమె పోలీసులకు తెలిపారు. లోపలకు వెళ్లి చూడగా ఆమె గొంతులోకి కత్తి దిగి, రక్తపు మడుగులో కనిపించింది. ఆనుమానాస్పద మృతిగా పోలీసులు కేసు నమోదు చేసుకున్నారు. కాగా శిఖా జోషి తనకు తాను బాత్ రూంలో లాక్ చేసుకుందని, ఆమె వద్ద అప్పుడు కత్తి ఉందని పోలీసులు చెప్పారు.

ఆ తర్వాత ఆమె రూమ్మేట్ బాత్ రూం గదిని తట్టారు. బయటకు రావాలని ఆమెకు సూచించింది. కత్తి వెంట తీసుకు వెళ్లిన విషయం తెలిసి.. వెంట కత్తి ఎందుకు తీసుకు వెళ్లావని సదరు స్నేహితురాలు ప్రశ్నించింది. అయితే, ఆ తర్వాత పోలీసులకు సమాచారం ఇచ్చింది. బాత్ రూం గది తెరిచేసరికి రక్తపు మడుగులో పడి ఉంది. ఆమెను వెంటనే ఆసుపత్రికి తరలించారు. అప్పటికే ఆమె మృతి చెందినట్లు వైద్యులు చెప్పారు. శిఖా జోషి మెడ పైన మూడు గాయాలు ఉన్నట్లుగా పోలీసులు గుర్తించారని తెలుస్తోంది.

జి మనోహర్