ఆ జాబితాలో దాసరి పేరు.. మరో 13 మందిపై కూడా..

Posted: 04/29/2015 03:55 PM IST

దేశ వ్యాప్తంగా సంచలనం సృష్టించిన బొగ్గు కుంభకోణం కేసులో సీబీఐ బుధవారం నాడు మరో చార్జిషీట్‌ దాఖలు చేసింది. తెలుగు చిత్రసీమకు చెందిన ప్రముఖ దర్శకుడు, కేంద్ర మాజీ మంత్రి దాసరి నారయణ రావు పేరును కూడా సీబీఐ తన చార్జిషీటు జాబితాలో చేరింది. దాసరి, నవీన్‌ జిందాల్‌ సహా 14 మందిపై అభియోగాలు మోపింది. వీరితో పాటుగా మరో ఐదు కంపెనీలపై కూడా అభియోగాలను మోపింది. అమరకొండ ముర్గాదంగల్(జార్ఖండ్) బొగ్గు క్షేత్రాల కేటాయింపు కేసులో ఆయన పాటు 14 మందిపై చార్జిషీటు దాఖలు చేసింది.

జార్ఖండ్ మాజీ ముఖ్యమంత్రి మధు కోడా, పారిశ్రామికవేత్త నవీన్ జిందాల్, బొగ్గుశాఖ మాజీ కార్యదర్శి హెచ్ సీ గుప్తాలపై అభియోగాలు మోపింది. జిందాల్ స్టీల్ అండ్ పవర్ లిమిటెడ్, జిందాల్ రియాల్టీ ప్రైవేటు లిమిటెడ్ సహా 5 కంపెనీల పేర్లు కూడా ఛార్జిషీటులో పెట్టారు. నేరపూరిత కుట్ర, ఛీటింగ్, అవినీతి నిరోధక చట్టం కింద అభియోగాలు మోపింది. ఈ ఛార్జిషీట్ ను సీబీఐ ప్రత్యేక న్యాయస్థానం గురువారం పరిశీలించనుంది.

జి మనోహర్