న్యూజిలాండ్ ముందు 298 పరుగుల భారీ లక్ష్యం

Posted: 03/24/2015 12:11 PM IST

In world cup 2015 1st semi finals south africa vs newzeland newzeland has to score 298 runs

రసవత్తరంగా సాగుతున్న సెమీ ఫైనల్ మ్యాచ్ కు వర్షం పెద్ద అడ్డంకిగా మారింది. పిచ్ మీదే కాదు క్రికెట్ అభిమానుల ఆశలపై కూడా నీళ్లు చల్లింది. అయితే వర్షం కాస్త నెమ్మదించడంతో క్రికెట్ సమరానికి మరోసారి తెర లేచింది. అయితే న్యూజిలాండ్, సౌతాఫ్రికా మ్యాచ్ ల మధ్య జరుగుతున్న మ్యాచ్ ను వర్షం కారణంగా 43 ఓవర్లకే కుదించారు. అయితే ఇప్పటికే 38 ఓవర్ల మ్యాచ్ ఆడిన సౌతాఫ్రికా మరో ఐదు ఓవర్లు మాత్రమే బ్యాటింగ్ చేసింది. డి విలియర్స్ కు తోడుగా ముందు నుండి క్రీజ్ లో కొనసాగుతున్న ప్లీసిస్ మ్యాచ్ ప్రారంభమైన కొద్దిసేపటికే ప్లీసిస్ వికెట్ కోల్పోవడం కాస్త సౌతాఫ్రికా అభిమానులను నిరాశకు గురిచేసింది.

కానీ తరువాత వచ్చిన మిల్లర్ అద్భుత మైన బ్యాటింగ్ తో సౌతాఫ్రికా జట్టు స్కోర్ ను భారీ దిశగా పెంచారు. కేవలం 18 బంతుల్లో 6 ఫోర్లు, 3 సిక్సులతో మిల్లర్ 49 పరుగులు చేసి మ్యాచ్ ను టర్న్ చేశారు. కోరి అండర్సన్ బౌలింగ్ లో మిల్లర్ 49 పరుగుల వద్ద ఔటయ్యారు. అంతకు ముందు వర్షానికి ముందు 216 పరుగులు చేసిన సౌతాఫ్రికా మిగిలిన ఐదు ఓవర్లలో ఏకంగా 281 పరుగులను చేసింది. 39 వ ఓవర్లో 6 పరుగులు, 40 వ ఓవర్ లో 17 పరుగులు, 41 వ ఓవర్లో ఏకంగా 20 పరుగులు, 42వ ఓవర్ లో 7 , చివరి ఓవర్ లో 15 పరుగులు చేసి సౌతాఫ్రికా 281 పరుగుల భారీ స్కోర్ చేసింది. ఇక మ్యాచ్ లో ప్లీసిస్, డి విలియర్స్ రెచ్చిపోగా, మిల్లర్ మ్యాచ్ ను మరింత రసవత్తరంగా మార్చారు. చివరిగా బరిలోకి దిగిన డుమిని నాలుగు బంతుల్లో ఓ ఫోర్ ఎనిమిది పరుగులు చేశారు. ఏబి డివిలియర్స్ 65 పరుగులతో నాటౌట్ గా నిలిచారు. 298 పరుగుల భారీ లక్ష్యంతో బరలోకి దిగనున్న న్యూజిలాండ్ మరి లక్ష్యాన్ని ఛేదించి వరల్డ్ కప్ లో నిలుస్తుందా లేక మధ్యలోనే ఇంటిముఖం పడుతుందా చూడాలి.

- అభినవచారి