రాజకీయ నాయకుల మద్య ఎప్పుడు ఏమీ జరుగుతుందో ఎవరు చెప్పలేరు. నిన్నటి వరకు శత్రువులుగా ఉన్న వారు వెంటనే కలిసిపోయి .. కౌలిగించుకొని .. ముద్దులు పెట్టుకుంటూ.. ఐ లవ్ యు చెప్పుకున్న నేతలు చాలా మంది ఉన్నారు. అయితే ఇప్పుడు రాష్ట్ర బిజెపి సీనియర్ నేత బండారు దత్తాత్రేయను కేంద్రంలో తొక్కేసినట్లు మరోసారి రుజువైంది.
సికింద్రాబాద్ నియోజక వర్గం నుంచి నాలుగోసారి లోక్సభకు ఎన్నికైన దత్తాత్రేయకు మోడీ మంత్రివర్గంలో చోటు లభిస్తుందన్న ప్రచారం జోరుగా జరిగింది. బిజెపి అభ్యర్థిగా తెలంగాణ నుంచి దత్తాత్రేయ ఒక్కరే లోక్సభకు ఎన్నికవడంతో కేంద్రంలో ఆయనకు మంత్రి పదవి ఖాయమని చాలా మంది అంచనాలు వేశారు. అయితే మోదీ మంత్రివర్గంలో దత్తాత్రేయకు చోటు లభించకపోవడంతో ఈ అంచనాలన్నీ పటాపంచలయ్యాయి.
బిజెపిలోని ఒక వర్గం చివరి క్షణంలో చక్రం తిప్పి దత్తన్నకు మంత్రి పదవి రాకుండా అడ్డుకోగలిగిందన్న ప్రచారం బలంగా సాగుతోంది. ఈ కుట్ర వెనుక ఎవరు ఉన్నారో అంతుపట్టటం లేదని దత్తాత్రేయ సానుభూతిపరులు వాపోతున్నారు. లోక్సభ ఎన్నికల్లో దత్తన్నకు టికెట్ రాకుండా అడ్డుకునేందుకు బిజెపిలోని ఒక వర్గం చివరి వరకూ విఫలయత్నం చేసిన సంగతి తెలిసిందే.
ప్రస్తుతం దత్తన్నకు మంత్రి పదవి దక్కకపోవడం వెనుక బడా నాయకులు తమ వంతు పాత్ర పోషించినట్టు తెలుస్తోంది. గతంలో కూడా ఒక వర్గానికి చెందిన బలమైన నాయకుల కుట్ర వల్లనే రాష్ట్రం నుంచి వాజ్పేయి ప్రభుత్వంలో మంత్రులుగా పనిచేసిన వారికి ప్రమోషన్ లభించకుండా పోయిందన్నది బహిరంగ రహస్యం. దత్తన్న విషయంలో ఇది రుజువైంది.
గతంలో వాజ్పేయి స్వయంగా దత్తాత్రేయకు ఫోన్ చేసి ప్రమాణ స్వీకారానికి రావలసిందిగా ఆహ్వానించారు. అప్పటి రాష్టప్రతి కలామ్కు దత్తాత్రేయతో పాటు మరో ఇద్దరి పేర్లు పంపి మూడు కుర్చీలు కూడా వేశారు. అయితే చివరి క్షణంలో దత్తాత్రేయ పేరు మాయమైంది.
ఆతర్వాత దత్తాత్రేయతో మాట్లాడిన వాజ్పేయి ఆయనకు పట్టణాభివృద్ధి శాఖ మంత్రిగా స్వతంత్ర హోదా ఇచ్చిన విషయం తెలిసిందే. స్వతహాగా మృదు స్వభావి ఆయిన దత్తాత్రేయ పదవులు దక్కించుకోవటానికి అనుసరించవలసిన వ్యూహాలను వంటబట్టించుకోకపోవడం వల్లనే ప్రస్తుతం మంత్రి పదవి లభించలేదేమోనన్న భావన కలుగుతోంది. రెండో విడతలోనైన దత్తన్న పై మోడీ వర్షం కురుస్తుందో లేదో చూడాలి.
RS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more