వారణాసి ఆలయం నుంచి కేజ్రీవాల్ ని బలవంతంగా బయటకు పంపించిన వైనం

Posted: 04/19/2014 01:30 PM IST

ఆమ్ ఆద్మీ పార్టీ నిర్వాహకుడు అరవింద్ కేజ్రీవాల్, ఆయన తల్లిదండ్రులు గీతా దేవి, గోవింద్ కేజ్రీవాల్ ఏప్రిల్ 15 నుంచి వారణాసిలోని సంకటమోచన ఆలయ ప్రధానార్చకుడు భిషంభర్ మిశ్రా నివాసంలో అతిథులుగా ఉంటున్నారు. 

అయితే ఆలయంలో రాజకీయ వాతావరణం నెలకొనటం మీద భక్తజనం అభ్యంతరాలు తెల్పటంతో శుక్రవారం వాళ్ళని ఆలయ ప్రాంగణం నుంచి బలవంతంగా బయటకు పంపించేసారు.  వాళ్ళు దుర్గా కుండ్ ప్రాంతానికి బస మార్చారు.

భాజపా ప్రధాని అభ్యర్థి నరేంద్ర మోదీ మీద పోటీచేస్తున్న కేజ్రీవాల్ కి వారణాసిలో అడుగడుగునా ఎదురుదెబ్బలే తగిలాయి.  సిరా చల్లటం, నినాదాలు చెయ్యటం, ఆయన ర్యాలీలను, సభలను అడ్డుకోవటం జరిగింది. 

ఈ సందర్భంగా, భాజపా బృందం నిరాశా నిస్పృహలతో భుజబలాన్ని ప్రయోగిస్తున్నదని, అయితే ఆఆపా అటువంటి వాటికి భయపడేది కాదని వాళ్ళకింకా తెలియటం లేదని ఆ పార్టీ ప్రకటించింది.

-శ్రీజ