కిరణ్ పార్టీ పేరు ఇదే- ఆ పార్టీ డిమాండ్స్ ?

Posted: 03/10/2014 07:41 PM IST

Kiran kumar reddy party to be called jai samaikyandhra

మాజీ ముఖ్యమంత్రి కిరణ్ కుమార్ రెడ్డి తమ కొత్త పార్టీ పేరును ఈరోజు బయట పెట్టారు. తమ పార్టీ పేరును అందరినీ కలుపుకొని పోయేలా ‘జై సమైక్యాంద్ర ’ గా పెట్టామని కిరణ్ కుమార్ రెడ్డి తెలిపారు.

అయితే కిరన్ కుమార్ రెడ్డి కొత్త పార్టీలో కార్యవర్గం

అధ్యక్షులు కిరణ్ కుమార్ రెడ్డి , పార్టీ వ్యవస్థాపక అద్యక్షులు చుండ్రు శ్రీహరిరావు, పార్టీ కార్యదర్శి జి.గంగాధర్, వ్యూహకర్త : లగడపాటి రాజగోపాల్ , పార్టీ ఉపాధ్యక్షులు, సాయిప్రతాప్, సబ్బం హరి, ఉండవల్లి, హర్షకుమార్ , శైలజానాద్, పితాని.

అయితే మా పార్టీ టిక్కెట్ కోసం ఇప్పటికే చాలా మంది దరఖాస్తులు చేసుకున్నారని మాజీ ముఖ్యమంత్రి కిరణ్ కుమార్ రెడ్డి తెలిపారు. అయితే పార్టీ విధానాలు, సిద్దాంతాలు గురించి రాజమండ్రిలో జరిగే సభలో వివరిస్తామని తెలిపారు.

రాష్ట్రంలో అందరు కలిసుండాలనే ఉద్యమం తెలంగాణ నుంచే వస్తుందని కిరణ్ కుమార్ రెడ్డి అన్నారు. తెలుగువారంతా కలిసి మెలిసి ఉండాలనేదే తమ పార్టీ ముఖ్య సిద్దాంతమన్నారు. ఇబ్బందులు వస్తే ప్రజలు కచ్చితంగా తిరగబడతారని తెలుసుకోవాలన్నారు. విభజన అనేది ప్రజల మేలుకోసమే జరగాలని పార్టీలు, నాయకుల కోసం రాష్ట్రం విభజన జరగకూడదని ఆయన అన్నారు. ఈ సందర్భంలో కిరణ్ కుమార్ రెడ్డి బెర్లిన్ గోడ ముక్కను విలేకరులకు చూపించారు. కలిసి ఉండాలనే బలమైన కాంక్షతోనే తూర్పు, పశ్చిమ, జర్మనీల మద్య ఉండే గోడను ప్రజలే బద్దలుగొట్టారని ఆయన గుర్తుచేశారు.