జైరాం రమేష్ కు చురకలు అంటించిన పురందేశ్వరి?

Posted: 03/08/2014 06:04 PM IST

కాంగ్రెస్ పార్టీ ప్రతిష్టను  బజారుకీడ్చే  పని తానెప్పుడూ   చేయలేదని దగ్గుబాటి పురందేశ్వరి అన్నారు.  కాంగ్రెస్ పార్టీ తనను గౌరవించిందని  అందులో  సందేహం  లేదని  చెప్పారు.  కాంగ్రెస్  విధానాలను  ప్రజల వద్దకు సరిగా తీసుకెళ్లలేకపోయారని అన్నారు. 

రాష్ట్ర విభజన తర్వాత ఏం చేయాలనే  దానిపై తాను  మీడియా ముందు  చెప్పానని  తమ హక్కుల కోసం  పోరాటం చేస్తే  ఆనాడు  అందరూ  తనని  తప్పు పట్టారని చెప్పారు.  విశాఖ స్థానం నుంచి  నేను మారాలని  దిగ్విజయ్ సింగ్  చెప్పారని , అయితే  సిట్టింగ్  ఎంపీని ఎలా మారుస్తారని  అప్పడే  దిగ్విజయ్ ని  అడిగినట్లు  చెప్పారు.

 ఈ సమయంలోనే  కేంద్ర మంత్రి ,  జీఓఎం  సభ్యుడు  జైరాం  రమేష్  వ్యాఖ్యల పట్ల  పురందేశ్వరి మండిపడ్డారు.  రామాయపట్నంలో  తమ  భూములు ఎక్కడున్నాయో  చెబితే,  సర్వే  నెంబర్లు ఇస్తే  చూసుకుంటామన్నారు.  ప్రజా  జీవితం నుంచి  విరమించుకోవాలనే  మొదట్లో అనుకున్నప్పటికి .. అభిమానులు , కార్యకర్తల ఒత్తిడి  వల్లే  రాజకీయల్లో ఉండాలని  నిర్ణయించుకున్నట్లు  చెప్పారు. 

 

-ఆర్ఎస్