సుష్మా బొడి గుండు-చంద్రబాబు శిల్పి

Posted: 02/24/2014 03:22 PM IST

తెలుగుదేశం పార్టీ అధినేత నారా చంద్రబాబు నాయుడు లో ఒక శిల్పి దాగి ఉన్నట్లు  ఆ పార్టీ నేత సోమిరెడ్డి గుర్తించారు. ఈ రోజు ఎన్టీఆర్  ట్రస్టు భవన్ లో  సీమాంద్ర  తెలుగుదేశం పార్టీ నేతల  సమావేశం ప్రారంభమైంది. ఈ సందర్భంగా సొమి రెడ్డి చంద్రమోహన్ రెడ్డి  మాట్లాడుతూ..  సీమాంద్రను  తీర్చిదిద్దిన  శిల్పి  చంద్రబాబు నాయుడని చెప్పటం జరిగింది. 

ఈ సమావేశంలో  సోమిరెడ్డి  మాట్లాడుతూ.. కాంగ్రెస్, బీజేపిలపై  తీవ్రస్థాయిలో  మండిపడ్డారు.  కాంగ్రెస్ పార్టీతో  బీజేపి నాయకులు కలిసిపోయి పెద్ద నాటకం పార్లమెంట్ , రాజ్యసభలో  వేశారని సోమిరెడ్డి  అన్నారు.  పార్లమెంటుల్లో  తెలంగాణ బిల్లు  ప్రవేశ పెట్టే సమయంలో .. బిజేపి నేత  సుష్మాస్వరాజ్ వ్యవహరించిన తీరుపై  సోమి రెడ్డి మండిపడ్డారు. 

తెలంగాణ బిల్లు  విషయం లో కాంగ్రెస్ అధినేత్రి   సోనియా గాంధీ కి సుష్మాస్వరాజ్  ఎలా మద్దతు తెలిపిందో  మాకు అర్థం  కావటంలేదని  ఆయన అన్నారు. గతంలో  సోనియా గాంధీ పై  విమర్శలు చేసిన సుష్మాస్వరాజ్ , కాంగ్రెస్ తో ఎలా కలిసిపోయారని  సోమి రెడ్డి ప్రశ్నించారు. 

తెలంగాణ బిల్లు పై  పార్లమెంటులో  ఆమోద ముద్ర పడిన వెంటనే సుష్మాస్వరాజ్  సభలో మాట్లాడుతూ  తెలంగాణ ఇచ్చినందుకు సోనియా పెద్దమ్మనే కాదు.. సుష్మాస్వరాజ్  చిన్నమ్మ ను కూడా  గుర్తుపెట్టుకోవాలని ..తెలంగాణ నేతలను, తెలంగాణ ప్రజలను కోరిక విషయం తెలిసిందే.  

అయితే  గతంలో కాంగ్రెస్ పార్టీ అధినేత్రి సోనియా గాంధీ దేశానికి ప్రధానమంత్రి అయితే గుండు గీయించుకుంటానన్న సుష్మాస్వరాజ్, ఇప్పుడు సోనియాగాంధీని పెద్దమ్మగా ఎలా పోలుస్తారని  సోమిరెడ్డి  ప్రశ్నించారు. శ్రీకృష్ణ కమిటీ నివేదికపై పార్లమెంట్‌లో ఎందుకు చర్చించలేదని ఆయన ప్రశ్నించారు.

-ఆర్ఎస్