కిరణ్ కి పార్టీ పెట్టే దమ్ముందా ?

Posted: 01/12/2014 04:51 PM IST

కాంగ్రెస్ అధిష్టానం తెలంగాణ బిల్లుకు ఈనెల 23 వరకు గడువు ఇచ్చిన విషయం తెలిసిందే. ఆ తరువాత అధిష్టానం తెలంగాణకు అనుకూలంగా నిర్ణయం తీసుకుంటే సమైక్యాంద్ర కెప్టెన్ గా ఉన్న ముఖ్యమంత్రి కిరణ్ కుమార్ రెడ్డి కొత్త పార్టీ పెట్టబోతున్నారని వార్తలు వస్తున్న విషయం తెలిసిందే.

ఈ వార్తల పై టీఆర్ఎస్ ఎమ్మెల్యే కేటీఆర్ నిజాం షుగర్ వజ్రోత్సవ సభకు ముఖ్య అతిథిగా హాజరైన ఆయన మాట్లాడుతూ...ముఖ్యమంత్రి కిరణ్ కుమార్ రెడ్డికి టిఆర్ఎస్ ఎమ్మెల్యే కె.తారకరామారావు సవాల్ విసిరారు. సీఎం తెలంగాణ కొత్త పార్టీ పెడితే ఎన్ని సీట్లు గెలుస్తారో తెలుస్తుందన్నారు. ఆయనకు దమ్ముంటే రాజీనామా చేసి ప్రజల్లోకి రావాలన్నారు. అసెంబ్లీలో చర్చ, ఓటింగ్ జరగకపోయినా ఫర్వాలేదని అన్నారు.  టీడీపీ అధ్యక్షుడు చంద్రబాబు నాయుడు తెలంగాణపై ఇచ్చిన మాట తప్పి రెండింటికి చెడ్డ రేవడిలా మారాడని అన్నారు.

నిజాం కాలేజీని తెలంగాణ ప్రభుత్వం స్వాధీనం చేసుకుని నడుపుతుందని ఆయన హామీ ఇచ్చారు. బాబు హయాంలో ఆయన స్వప్రయోజనాల కోసం నిజాం షుగర్స్ ని అమ్ముకున్నారని అన్నారు. మరి కేటీఆర్ ఉద్దేశ్యంలో కిరణ్ కుమార్ రెడ్డికి పార్టీ పెట్టే దమ్ము లేదా ? పార్టీ పెడితే సీట్లు రావని ఆయన ఉద్దేశ్యమో ?