జనవరి 4న కొత్త పార్టీ : మంద క్రిష్ణ

Posted: 12/27/2013 03:47 PM IST

గత కొన్నాళ్ళ నుండి రాజకీయ పార్టీని ఏర్పాటు చేయబోతున్నానని చెబుతున్న ఎమ్మార్పీఎస్ (మాదిగి రిజర్వేషన్ పోరాట సమితి) వ్యవస్థాపక అధ్యక్షుడు మంద క్రిష్ణ మాదిగ ఎట్టకేలకు తన పార్టీని ఏర్పాటు చేసే ముహూర్తాన్ని ఖరారు చేశాడు. నల్లొండ జిల్లా చిట్యాలలో జరిగిన ఓ కార్యక్రమంలో పాల్గొన్న ఆయన మీడియాతో మాట్లాడుతూ... ‘సామాజిక న్యాయసాధనే ’ లక్ష్యంగా జనవరి 4న కొత్త పార్టీని హైదరాబాద్ లో ప్రకటించబోతున్నట్లు తెలిపారు.

ప్రస్తుతం ఉన్న వర్గ, కుల రాజకీయాల అధిపత్యాన్ని దెబ్బ తీసే విధంగా తమ పార్టీ విధి విధానాలు ఉంటాయని, ఇప్పుడున్న పార్టీలకు భవిష్యత్తులో తమ పార్టీనే ప్రత్యామ్నాయమవుతుందని అన్నారు. జనాభా లెక్కల ప్రకారం అన్ని వర్గాల ప్రజల హక్కులను కాపాడేందుకు తమ పార్టీ పని చేస్తుందని మందక్రిష్ణ అన్నారు. ఈ కార్యక్రమంలో జిల్లా ఎమ్మార్పీఎస్ నాయకులు పాల్గొన్నారు.