అంతు చూస్తాం?

Posted: 11/11/2013 10:32 AM IST

ప్రభుత్వ విప్ తూర్పు జయప్రకాష్ రెడ్డి మరో తన స్వామి భక్తి చూపించారు. ఎవరైన అడ్డుకుంటే వారి అంతు చూస్తాం అంటూ హెచ్చకరికలు జారీ చేశారు. ఈ నెల 13న ముఖ్యమంత్రి నల్లారి కిరణ్ కుమార్ రెడ్డి రచ్చబండలో కార్యక్రమంలో పాల్గొంటారు. అయితే ఈ ప్రకటన తెలిసినప్పటి నుండి సంగారెడ్డి ఎమ్మెల్యే జగ్గారెడ్డి తన స్వామి భక్తిని బయటపెడుతున్నారు. ఆయన పర్యటనను అడ్డుకోవాలని చూస్తే టీఆర్ఎస్ నాయకుల అంతు చూస్తామని జగ్గారెడ్డి హెచ్చరించారు. రచ్చబండకు సీఎంను ఆహ్వానించిన వారు తెలంగాణ ద్రోహులంటూ హరీష్ రావు చేసిన వ్యాఖ్యలపై మండిపడ్డారు.

 

గతంలో టీఆర్ఎస్ ఎమ్మెల్యేలు హరీష్ రావు, కేటీఆర్ సైతం సీఎంను తన నియోజకవర్గంలో పర్యటించాల్సిందిగా కోరారని గుర్తు చేశారు. అప్పుడు వారు కూడా తెలంగాణ ద్రోహులేనా అని ప్రశ్నించారు. 'తెలంగాణ టీఆర్ఎస్ జాగీరా, హరీష్ రావు అబ్బ సొత్తా... మీ బాగోతం ఎవరికి తెలియదు....' అంటూ నిప్పులు చెరిగారు.

 

అయితే జగ్గారెడ్డికి అడ్డుకోవటానికి టీఆర్ఎస్ నాయకులు సన్నాహాలు చేస్తున్నట్లు సమాచారం. అదే స్థాయిలో జగ్గారెడ్డి టీఆర్ఎస్ నాయకులు అడ్డుకోవటానికి అన్ని సిద్దం చేస్తున్నారని కాంగ్రెస్ నాయకులు అంటున్నారు. రచ్చబండ కార్యక్రమానికి డిప్యూటీ సీఎం దామోదర రాజనర్సింహ, మంత్రులు గీతారెడ్డి, సునీతా లక్ష్మారెడ్డి తదితరులను ఆహ్వానించినట్లు జగ్గారెడ్డి తెలిపారు.