విలేకర్ల దెబ్బకు కంటతడిపెట్టిన మన క్రీడాకారిణి

Posted: 08/27/2013 05:51 PM IST

భారత్ కు చెందిన అగ్రశ్రేణి విలువిద్య క్రీడాకారిణి దీపికా కుమారి ఇంటర్వ్యూల కోసం మీడియా ఒత్తిడి తట్టుకోలేక ఆమె కంటతడి పెట్టారు. మహిళల రికర్వ్ టీమ్ కెప్టెన్ అయిన దీపిక పోలండ్ లో జరిగిన వరల్డ్ కప్ లో బంగారు పతకం గెలుచుకుని తన జట్టుతో ఈరోజు ఉదయం తిరిగివచ్చారు. అయితే అర్చరీ అసోసియేషన్ ఆఫ్ ఇండియా క్రీడాకారిణులను సన్మానించింది. అనంతరం పలువురు విలేకరులు ప్రత్యేక ఇంటర్వ్యూల కోసం దీపికా వెంటపడ్డారు. తాను చాలా అలసిపోయి వున్నానని, పైగా మరో విమానం అందుకోవాలని దీపికా ఎంత చెప్పిన వారు వినిపించుకోక పోవడంతో దీపిక నిస్సహాయంగా కంటతడి పెట్టారు. దీపిక కంటతడి చూసిన కొంత మంది విలేకర్లు అక్కడి నుంచి వెళ్లిపోయారు.