రాజీనామా చేయనున్న హరి కృష్ణ

Posted: 08/22/2013 08:35 AM IST

తెలుగుదేశం పార్టీ రాజ్యసభ సభ్యుడు నందమూరి హరికృష్ణ తాను పూర్తి స్థాయి సమైక్యవాదిని అని నిరూపించుకోవడానికి, తనకంటూ ఓ ప్రత్యేక గుర్తింపు తెచ్చుకోవడానికి తన పదవికి రాజీనామా చేయడానికైనా వెనకాడటం లేదు. ఇప్పటికే తన సమైక్యగళాన్ని గట్టిగా వినిపిస్తున్న ఆయన తన రాజ్యసభ పదవికి రాజీనామా చేయాలని నిర్ణయించుకున్నట్లు సమాచారం. నేడు ఆయన స్పీకర్ ఫార్మాట్ లో తన రాజీనామా లేఖను సమర్పించడానికి సిద్దం అయ్యాడని ఆయన సన్నిహిత వర్గాల నుండి అందుతున్న సమాచారం. ఇప్పటికే సమైక్య రాష్ట్రం కోరుతూ బహిరంగ లేఖ రాసిన హరి కృష్ణ సీమాంధ్రలో చైతన్య యాత్రను చేపట్టాలని నిశ్చయించుకున్నారు. మరో మూడు నాలుగు రోజుల్లో బాబు ఆత్మగౌర యాత్ర చేపట్టనున్న నేపధ్యంలో హరి కృష్ణ ఈ యాత్ర చేయడానికి సిద్ధం అవుతుండటంతో టీడీపీ శ్రేణుల్లో కాస్తంత ఆందోళన నెలకొంది.