Posted: 02/05/2013 05:11 PM IST

ప్రముఖ సోషల్ నెట్ వర్కింగ్ సైట్లలో ఈ మధ్యన ప్రముఖుల పై చేస్తున్న వ్యాఖ్యలకు పోలీసులు వెంటనే స్పందిస్తున్నారు. వారి పై కేసులు నమోదు చేసి, తగిన చర్యలు తీసుకుంటున్నారు. అయినా సోషల్ సైట్లలో కామెంట్లు ఆగడం లేదు. తాజాగా ఆగ్రాలోని సంజయ్ చౌదరీ అనే వ్యక్తి ప్రధాని మన్మోహన్ సింగ్, కేంద్ర మంత్రి కపిల్ సిబాల్, సమాజ్ వాదీ చీఫ్ ములాయం సింగ్ యాదవ్ లను లక్ష్యంగా చేసుకుని సోషల్ మీడియా వెబ్ సైట్ ఫేస్ బుక్ లో అనుచిత వ్యాఖ్యలు చేశారు. దీంతో అతనిని పోలీసులు అరెస్ట్ చేశారు. ఫేస్ బుక్ లో మతపరమైన, ఓ వర్గాన్ని రెచ్చగొట్టే విధంగా వ్యాఖ్యలను పోస్ట్ చేశాడని పోలీసులు కేసు నమోదు చేశారు. సో... కామెంట్లు పోస్టు చేసేటప్పుడు తస్మాత్ జాగ్రత్త.