Posted: 01/26/2013 02:29 PM IST

మహబూబ్ నగర్  పట్టణంలో ఓ వర్గం వారి విగ్రహం  ధ్వంసం  చేశారని  స్థానికులు  ఆందోళనకు దిగారు.   విగ్రహ విధ్వంసాన్ని  నిరసిస్తూ  సంఘాలు, రాజకీయ పార్టీలు   రాయచూర్  అంతరాష్ట్ర  రహదారిపై  ఆందోళనకు దిగారు.  ఎమ్మెల్యే  యెన్నం శ్రీనివాస్ రెడ్డికి  వారికి మద్దతుగా ఆందోళనకు దిగారు.  దీంతో ఎమ్మెల్యేతో సహా  ఆందోళన కారులను  పోలీసులు అరెస్ట్ చేశారు. పట్టణంలో ఇరువర్గాల మధ్య చోటుచేసుకున్న ఘర్షణ ఉద్రిక్తతకు దారితీసింది. దేవుని విగ్రహం ధ్వంసం చేశారని ఒక వర్గం వారు ఆందోళనకు దిగడంతో ఘర్షణ ప్రారంభమయినట్టు తెలుస్తోంది. ఆందోళనకారులను చెదరగొట్టేందుకు పోలీసులు లాఠీచార్జి చేశారు. రామయ్యబౌలి చౌరస్తాలో పోలీసులపై ఆందోళనకారులు రాళ్లు రువ్వారు. దీంతో పోలీసులు బాష్పవాయువు ప్రయోగించారు. పరిస్థితిని అదుపుచేసేందుకు పట్టణంలో 144 సెక్షన్ విధించారు. భారీగా పోలీసులను మొహరించారు.