Posted: 01/21/2013 10:05 AM IST

జైపూర్ లో జరిగిన కాంగ్రెస్ చింతన్ శిబిర్ లో కాంగ్రెస్ పార్టీ ఉపాధ్యక్షుడిగా ఏక గ్రీవంగా ఎన్నికైన రాహుల్ గాంధీ తొలిసారి పార్టీని, నాయకులను, ప్రజలను ఉద్దేశించి మాట్లాడారు. ఈ సందర్భంగా రాహుల్ గాంధీ మాట్లాడిన మాటలు పలువురిని ఆకట్టుకున్నాయి. ఆయన మాట్లాడుతున్నప్పుడు అతని తల్లి సోనియా గాంధీ ఉద్వేగానికి గురైంది. రాహుల్ గాంధీ మాట్లాడుతూ... తనను పార్టీ ఉపాధ్యక్షుడిని చేసినందుకు ఇక్కడ ఉన్న ప్రతి ఒక్కరు అబినందించారని, కాని తన తల్లి సోనియాగాందీ మాత్రం తన గదికి వచ్చి రోధించారని ఆయన చెప్పిన వైనం సభికులను కలచివేసిందనిపిస్తుంది.అధికారం కోసం వెంటపడకూడదు, అదికారాన్ని ప్రజలకు ఉపయోగనడే సాధనంగా మాత్రమే ఉండాలని ఆయన అంటూ ఈ విషయం చెప్పారు. సోనియాగాందీ జీవితంలో ఎదురైన అనుభవాలను పరిగణనలోకి తీసుకుని అలా రోదించారని అన్నారు.ముప్పై ఏళ్ల క్రితం ఇందిరగాంధీ హత్య జరిగిన ఘట్టాన్ని కూడా ఆయన గుర్తు చేసుకుని తొలిసారిగా తన తండ్రి రాజీవ్ గాందీ రోధించారని అన్నారు.తాను కాంగ్రెస్ కోసం పనిచేస్తానని, దేశం కోసం పనిచేస్తానని, అదే తన జీవితమని రాహుల్ చెప్పారు. రాహుల్ ప్రసంగం విన్న అక్కడి నేతలు హర్షం వ్యక్తం చేశారు.