Posted: 01/17/2013 01:34 PM IST

తెలంగాణ రాష్ట్రం ఏర్పాటు చేయాలంటూ తెలంగాణ పొలిటికల్ జేఏసీ ఆధ్వర్యంలో హైదరాబాద్‌ గన్‌పార్క్‌ వద్ద మౌనదీక్ష చేపట్టారు. ఈ దీక్ష శిబిరంలో పెద్ద సంఖ్యలో తెలంగాణవాదులు, విద్యార్థి సంఘాల నేతలు పాల్గొన్నారు. తెలంగాణ రాష్ట్రాన్ని వెంటనే ఏర్పాటు చేయాలని డిమాండ్ చేశారు. ఈ కార్యక్రమంలో పాల్గొన్న మాజీ ఎంపి వినోద్ కుమార్ మాట్లాడుతూ... హైదరాబాద్ కేంద్ర పాలనప్రాంతంగా చేయడానికి వీలులేదని ఆయన అన్నారు.ప్రజాస్వామ్య బద్దంగా తెలంగాణ ఉద్యమం సాగుతున్నదని,తెలంగాణ ఏర్పాటు తధ్యమని, ఆ దిశలో ముందుకు సాగాలని ఆయన అన్నారు. తెలంగాణ పొలిటికల్ జేఏసీ కన్వీనర్ కోదండరామ్ మాట్లాడుతూ హింస తమ అభిమనం కాదని, తెలంగాణ రాష్ట్ర ఏర్పాటును అడ్డుకోవటం భావ్యం కాదన్నారు. బిజెపి నేత బండారు దత్తాత్రేయ మాట్లాడుతూ మౌన దీక్షను గాందీజీ ఏ విదంగా నిర్వహించారో అలాగే చేస్తున్నామని అన్నారు.