Posted: 01/15/2013 07:29 PM IST

ప్రధానిని 24 గంటల్లో అరెస్ట్ చేయండి అని సుప్రీం కోర్టు ఆదేశించింది. మీరు చదివింది కరెక్టే కానీ, మన ప్రధాని అని మాత్రం అనుకోకండి. విద్యుత్తు ప్రాజెక్టుల్లో అవినీతి ఆరోపణలు ఎదుర్కొంటున్న పాకిస్థాన్ ప్రధాని పర్వేజ్ ఆష్రఫ్ ను తక్షణమే అరెస్టు చేయాలని పాక్ ప్రభుత్వాన్ని ఆదేశించింది. పాక్ ప్రధానితో సహా మరో పదహారు మందిని అరెస్టు చేయాలని సుప్రీం కోర్టు ఆదేశాలు జారీ చేసింది. రాజా పర్వేజ్ అష్రఫ్ అవినీతి ఆరోపణలపై దేశవ్యాప్తంగా నిరసనలు వెల్లువెత్తుతున్నాయి. పలు సంఘాలు ప్రధానికి వ్యతిరేకంగా రాస్తారోకోలు నిర్వహించాయి. తెహిరుల్ ఖాద్రీ ఆధ్వర్యంలో దీనిపై పెద్ద ఎత్తున ఆందోళన చేపట్టింది. ప్రధానిని తొలగించాలని, ఆయనను అరెస్టు చేయాలని పలువురు నిరసనకారరులు డిమాండ్ చేస్తున్నారు. 62 ఏళ్ల అష్రాఫ్ గత సంవత్సరం జూన్‌లో ప్రధానిగా నియమించబడ్డారు.