Posted: 11/21/2012 12:16 PM IST

పాక్ ఉగ్రవాది అజ్మల్ కసబ్ కు ఉరిశిక్ష  అమలుపై  ముంబయి నగరం  సంబరాలు జరుపుకుంది.  ఈ ఉదయం  కసబ్ ను ఉరితీశారన్న వార్త వెలువడిన అనంతరం జనం వీధుల్లోకి చేరి బాణా సంచా కాల్చి  ఆనందంలో  మునిగి తేలారు.  దక్షిణ ముంబయిలోని ముస్లిలతో పాటు అన్ని వర్గాల ప్రజలు  ఈ చర్యపై  సంతోషాన్ని వ్యక్తం చేశాయి.  కార్యాలయాలకు భోజనం తీసుకువెళ్లే డబ్బావాలాలు కసబ్ ఫొటలోలను దహనం చేసి రోడ్లపై డ్యాన్స్  చేశారు.  బెస్టు బస్సుల్లో  ప్రయాణికులు ఒకరికొకరు  అభినందనలు తెలుపుకున్నారు.  శివసేనతో పాటు పలు పార్టీలు నేతలు కసబ్ ఉరిశిక్ష అమలును స్వాగతించాయి.