Posted: 11/06/2012 11:28 AM IST

అమెరికాకు శాండీ హరికేన్  చేసిన గాయం మానకముందే మరో తుపాను గండం ఉందని  తెలుస్తోంది. శాండీ హరికేన్ అమెరికాలోని తీరప్రాంత రాష్ట్రాలను అతలాకుతలం చేసి ఇలా వెళ్లిందో లేదో.. మరో బలమైన తుఫాను ఆ దేశాన్ని కబళించేందు కు సిద్ధమైపోతోంది. గంటకు 80 కిలోమీటర్ల వేగంతో వీచే గాలులు, తీవ్రస్థాయిలో వరదలు, విద్యుత్ సరఫరాకు అంతరాయం.. ఇవన్నీ పునరావృతమయ్యే అవకాశముంది. కచ్చితంగా ఎప్పుడు వస్తుందన్న విషయం తేలకపోయినా, మరో వారం రోజుల్లో ఇది విరుచుకుపడే ప్రమాదం ఉందని వాతావరణ శాఖ అధికారులు చెబుతున్నారు.