Posted: 11/05/2012 03:09 PM IST

తెలుగు దేశం పార్టీ అధినేత మజీ ముఖ్యమంత్రి నారా చంద్రబాబు నాయుడు వరద ప్రాంతాల్లో  పర్యటన చేస్తున్నారు.క్రిష్టాజిల్లాలోని గన్నవరంలోని ప్రజల సమస్యలను  అడిగి తెలుసుకుంటున్నారు. చంద్రబాబు మాట్లాడుతూ  రాష్ర్ట ప్రభుత్వం  ప్రజలను  సమస్యల సుడిగుండంలోకి నెట్టి,  బల ప్రదర్శన కోసం ఢిల్లీ చుట్టూ  తిరుగుతుందని  అన్నారు.  గత 9 సంవత్సరాల నుంచి  అధికారంలో  ఉన్న ఈ ప్రభుత్వం  రాష్ట్రంలో   సహజ విపత్తులు సంభవించినప్పుడు  మాత్రం కంటి తుడుపు చర్యల్ని  చేపడుతూ ప్రజల్ని  మభ్యపెట్టిందే కానీ, ఎలాంటి  సహాయ చర్యలు  చేపట్టలేదని  ఆయన అన్నారు. ఇప్పటి వరకు  ప్రభుత్వం ఎలాంటి చర్యలు తీసుకోలేదని  ఆయన మండి పడుతన్నారు. అయితే వెంటనే  ప్రభుత్వం ఇప్పటి వరకు  ప్రక్రుతి విపత్తలు సంభవించినప్పుడు  తీసుకున్న  చర్యలపై  శ్వేత పత్రం విడుదల చేయాలని చంద్రబాబు డిమాండ్ చేశారు.

వరద బాధిత ప్రాంతాల్లో పర్యటన కోసం వస్తున్న చంద్రబాబు  నాయుడు కాన్వాయ్ లోని వాహనం  జడ్చర్ల వద్ద  బోల్తాపడింది.  ఈ ఘటనలో  డ్రైవర్ కు స్వల్పగాయాలయ్యాయి. ఎదురుగా వస్తున్న  గేదేను  తప్పించబోయి  వాహనం  బోల్తాపడినట్లు సమాచారం.