Posted: 09/10/2012 12:20 PM IST

 మనిషన్నవాడు లేని అంతరిక్షంలో కాసులతో పనేముంటుంది చెప్పండి? అయినా సరే... అంగారక గ్రహాన్ని శోధిస్తున్న క్యూరియాసిటీకి మాత్రం వందేళ్ల క్రితం నాటి ఓ సెంట్ (రాగి నాణెం, ఒక డాలర్‌కు వంద సెంట్లు) సాయం చేస్తోంది. నాసా ప్రయోగించిన ఈ అత్యాధునిక రోవర్‌లోని కెమెరా మార్స్ హ్యాండ్ లెన్స్ ఇమేజర్‌లో ఉన్న ఈ నాణెం ఫొటోలు సక్రమంగా వచ్చేందుకు ఉపయోగపడే క్యాలిబరేటర్‌గానూ పనిచేస్తోంది. 1909లో అప్పటి అమెరికా అధ్యక్షుడు లింకన్ కాలంలో విక్టర్ డేవిడ్ బ్రెన్నర్ డిజైన్ చేసిన ఇలాంటి నాణేలను అంతరిక్ష పరికరాల్లో ఏర్పాటు చేయడం నాసాకున్న ఓ రివాజు. అందుకే ఇతర అత్యాధునిక క్యాలిబరేటర్లు ఉన్నప్పటికీ ఈ నాణేన్ని కూడా క్యూరియాసిటీలోకి చేర్చారు. ఇంజినీర్ కెన్ ఎడ్‌గెట్ వ్యక్తిగతంగా దీన్ని కొనుగోలు చేసి క్యూరియాసిటీలో చేర్చారు. రోవర్‌ను అంగారకుడిపైకి పంపేందుకు అయిన ఖర్చు మొత్తాన్ని లెక్కిస్తే... 2.5 గ్రాములున్న ఈ నాణెం విలువ దాదాపు మూడున్నర లక్షల రూపాయలు అవుతుంది!!