Posted: 08/10/2012 05:31 PM IST

దేశంలో  సముద్ర మట్టాలు  పెరుగుతున్నాయి.  అటు, ఇటు  అనికాకుండా అన్ని ప్రాంతాల్లో ఇదే కనిపిస్తోంది.  పెరుగుతున్న తుపాన్లు, అలల్లో కనిపిస్తున్న మార్పులు , సాధారణ డెల్టా భూస్థితి,  తీరప్రాంత  కోత , తీరం పొడవునా  నదీప్రవాహ మార్గాల్లో  పెరుగుతున్న  పూడిక దీనికి ప్రధాన కారణంగా తేలింది.  భారతీయ తీరంలో సముద్ర మట్టాల  పెరుగుదల్లో  చాలా హెచ్చుతగ్గులు కనిపిస్తున్నాయి.  అలల కొలమానాలను విశ్లేషించి చూస్తే  గత 40-50 ఏళ్లలో  సముద్ర మట్టం  ఏటా  సగటున 1.29  మిల్లీ మీటర్ల మేర పెరిగినట్లు  తేలింది.  అలల్లో  వచ్చిన  మార్పులన  బట్టి చూస్తే 1939-1991  మధ్య కాలంలో  కొచ్చిన్  తీరంలో  సముద్ర మట్టం ఏటా 1.2 మిల్లీ మీటర్ల మేర  పెరిగినట్లు  తేలింది.  1937-1991 మధ్య విశాఖపట్నంలో  యేటా 0.9 మిల్లీ మీటర్ల మట్టం పెరిగింది.