Posted: 08/04/2012 12:23 PM IST

మనిషికి మరణ ఏ రూపంలో వస్తుందో ఎవరు చెప్పలేరు.  మనిషి బతకటానికి  డబ్బు చాలా ముఖ్యం . ఆ డబ్బు కోసం మనిషి ఎలాంటి పని చేయ్యటానికైన వెనకడుగు  వేయడు. కానీ ఆ డబ్బు మనిషి ప్రాణం తీస్తుంది. ఒక ఐడియా మీ జీవితాన్నే మార్చుతుందని మనం విన్నం. కానీ ఒక వంద నోటు  ఒక కుటుంబాన్ని సర్వనాశనం చేస్తుందని ఎవరు ఊహించారు.  వంద రూపాయలు ఉంటే .. ఒక రోజు ఒక మనిషిక బతికేస్తాడు.  అదే వంద రూపాయలు  ఒక కుటుంబంలో విషాదం మిగిల్చింది.  ఒకేసారి నలుగురి ప్రాణాలు  తీసింది  వంద నోట.    ఒక వంద నోటు తండ్రి కొడుకుల సహా నలుగురి ప్రాణాలు తీసింది.

ఉత్తరప్రదేశ్‌లోని కాన్పూర్ జిల్లాలోని మదర్సా గ్రామంలో ఈ విషాదం చోటు చేసుకుంది. సందీప్ అనే పదేళ్ల బాలుడు ఉదయం పది గంటలప్పుడు చేతిలో రూ.వంద నోటు పట్టుకుని చెల్లితో రాఖీ కట్టించుకునేందుకు వెళ్తున్నాడు. ఇంతలో చేతిలోని నోటు ఎగిరి మూత తెరిచి ఉన్న సెప్టిక్ ట్యాంక్‌లో పడిపోయింది. నోటును అందుకోవాలన్న ఆతృతలో సందీప్ అందులోకి దూకేశాడు.కొద్దిసేపటికి ఇది గమినించిన సందీప్ తండ్రి ముకేష్.. కొడుకు కోసం ఆ మురుగు కాల్పలోకి దిగాడు. వీరివురూ పైకి రాకపోవడాన్ని గమనించిన స్థానిక యువకులు నీరజ్, సుధీర్‌లు అందులోకి దిగారు. వీరిరువురూ అనూహ్యంగా అందులో ఇరుక్కుపోయారు. మధ్యాహ్నం ఒంటిగంటకు వీరిని బయటకు తీసి ఆస్పత్రికి తరలించారు. అప్పటికే వారు చనిపోయినట్లు వైద్యులు తెలపడంతో ఊరంతా విషాదం అలుముకుంది.