Posted: 07/01/2012 03:39 PM IST

      ఉపాదికోసం అర్రులు చాస్తోన్న నిరుద్యోగులు దుర్మార్గుల చేతుల్లో మోసపోతూనే ఉన్నారు. తాజాగా కడపలో ఓ ప్రైవేటు ట్రావెల్ ఏజెంటు 400మందికి టోకరా వేశాడు. విదేశాల్లో ఉద్యోగాలు ఇప్పిస్తానంటూ ఒక్కొక్కరినుంచి 40వేలు వసూలు చేసి పరారయ్యేందుకు యత్నించాడు. మోసం వెలుగు చూడడంతో కటకటాల పాలయ్యాడు. వివరాల్లోకి వెళితే.. షాజీ పిళ్లై అనే వ్యక్తి రైల్వే ష్టేషన్ రోడ్డులో ఆఫీసు తెరిచాడు. విదేశాల్లో ఉద్యోగాలిస్తామని ప్రకటనల ద్వారా నిరుద్యోగులను ఆకట్టుకున్నాడు.  కొచ్చి ప్రధాన కేంద్రంగా పనిచేస్తోన్న ట్రావెల్ ఎజెన్సీ ఆప్టిమా ద్వారా వీసాలు ఇప్పిస్తానని డబ్బులు తీసుకున్నాడు. ఐతే మూడు నెలలు గడిచినా వీసాలు రాకపోవడంతో బాధితులు నిలదీశారు. దీంతో ఏజెంట్ మోసం బయటపడింది. ఇలాంటి మోసగాళ్ల మాయమాటలకు మోసపోరాదని మనవి..

...avnk