Posted: 07/01/2012 02:07 PM IST

       కింగ్ అక్కినేని నాగార్జున చంచల్ గూడ జైల్లో కాసేపు గడిపారు. వాన్‌పిక్ సంస్థ భూవివాదం కేసులో చంచల్‌గూడ జైల్లో రిమాండ్ ఖైదీగా ఉన్న ప్రముఖ వ్యాపారవేత్త నిమ్మగడ్డ ప్రసాద్‌ను నాగ్ ప్రత్యేక ములాఖత్‌లో కలిశారు. ఆయన యోగక్షేమాలను అడిగి తెలుసుకున్నారు. అనంతరం జైలు బయట వేచి ఉన్న మీడియా ప్రతినిధులతో నాగార్జున మాట్లాడుతూ నిమ్మగడ్డ తనకు మంచి స్నేహితుడని, ఆయన జైలుకు రాకముందు ఇరువురం రోజూ కలిసేవారిమని తెలిపారు. నాగార్జునను చూసేందుకు స్థానికులు పెద్ద ఎత్తున జైలు వద్దకు వచ్చారు.
     కాగా, గత కొద్ది రోజులుగా ఆర్థిక నేరాల ఆరోపణలు ఎదుర్కొంటున్న నిమ్మగడ్డ ప్రసాద్‌, వైయస్‌ జగన్మోహన్‌ రెడ్డి చంచల్‌గూడ జైలులో రిమాండ్‌ ఖైధీలుగా ఉంటున్నారు. ఈ ఇద్దరు చంచల్‌గూడ జైలుకు వచ్చిన దగ్గర నుంచి సందర్శకుల తాకిడితో పాటు విఐపిలు కూడా చాలామంది వస్తున్నారు. మా టివిలో బిజినెస్‌ పార్టనర్‌గా ఉన్న నిమ్మగడ్డ ప్రసాద్‌ను కలవాటానికి వచ్చిన నాగ్‌ అతనితో అదే జైల్‌లో ఉంటున్న జగన్‌ కూడా కలిసారు. గతంలో కూడా వైయస్‌ రాజశేఖర్‌ రెడ్డితో సన్నిహిత సంబంధాలు ఉన్న నాగార్జున జగన్‌ కలవటంతో ఈ విషయాన్ని ఆసక్తిగా పరిశీలిస్తున్నారు విశ్లేషకులు.

...avnk