Posted: 05/06/2012 12:21 PM IST

       మాస్టర్ బ్లాస్టర్ సచిన్ టెండూల్కర్ బాంద్రాలో నిర్మించుకున్న కొత్త ఇంటిపై మరో వివాదం మొదలైంది. నివాసయోగ్య అనుమతి పత్రం లేకుండా గృహప్రవేశం చేసినందుకు బృహన్‌ముంబై మున్సిపల్ కార్పొరేషన్ (బీఎంసీ) విధించిన పెనాల్టీని మాస్టర్ చెల్లించాడా? లేదా? అంటూ... సమాచార హక్కు (ఆర్‌టీఐ) కార్యకర్త అనిల్ గల్గాల్ ప్రశ్నించారు. ఈ మేరకు అందుకు సంబంధించిన సమాచారాన్ని ఇవ్వాలని కొన్ని వారాల కిందట బీఎంసీ అధికారులకు ధరఖాస్తు చేసుకున్నారు.
       అయితే అధికారుల నుంచి సరైన సమాధానం మాత్రం రాలేదు. విషయాన్ని సచిన్ దృష్టికి తీసుకెళ్లితే థర్డ్‌పార్టీ వ్యక్తులకు సమాచారాన్ని ఇవ్వలేనని చెప్పాడని బీఎంసీ అధికారులు అనిల్‌కు తెలియజేశారు. దీంతో విషయం కాస్తా వివాదమైంది.  ఒకవేళ బీఎంసీ విధించిన జరిమానాను మాస్టర్ నిజంగా చెల్లిస్తే అది ప్రజాధనం అవుతుంది కాబట్టి ఆర్‌టీఐ నిబంధనల ప్రకారం సమాచారాన్ని ఇతరుల వద్ద పంచుకోవచ్చని అనిల్ ఉద్ఘాటించారు పెర్రీ క్రాస్ రోడ్‌లో అత్యంత అధునాతంగా నిర్మించుకున్న బంగ్లాలోకి మాస్టర్ గత ఏడాది సెప్టెంబరు 28న గృహప్రవేశం చేసిన సంగతి తెలిసిందే.

...avnk