Posted: 04/01/2012 01:18 PM IST

          మెగాస్టార్ చిరంజీవి దశ తిరగబోతోంది. రాజకీయాల్లోకి వచ్చిన అనతి కాలంలోనే చిరు కేంద్రమంత్రి పదవిని అలంకరించబోతున్నారు. హస్తిన లో వేగంగా జరుగుతోన్న పరిణామాలు దీనికి ఊతమిస్తున్నాయి.  పార్లమెంటు బడ్జెట్ సమావేశాల రెండోదశ మొదలయ్యేలోపే (ఏప్రిల్ 24) ఇటు పార్టీలోను,  అటు కేంద్ర మంత్రివర్గంలోను భారీ మార్పులు చేయాలని కాంగ్రెస్ అధినేత్రి సోనియా గాంధీ, ప్రధాని మన్మోహన్ సింగ్ నిర్ణయించినట్లు తెలిసింది.
            డీఎంకేకు చెందిన మరో ఇద్దరిని, ఇటీవల రాజ్యసభకు ఎంపికైన చిరంజీవిని కేంద్ర మంత్రివర్గంలోకి చేర్చుకునే అవకాశాలు మండుగా కనిపిస్తున్నాయి. కొత్తగా,  సమాజ్‌వాదీ పార్టీని కూడా మంత్రివర్గంలో చేర్చుకునేందుకు ప్రయత్నాలు జరుగుతున్నాయి.              ఒకే వ్యక్తికి ఒకే పదవి సూత్రం ఆధారంగా బాధ్యతలు కల్పిస్తారని, ఒకరిద్దరు మంత్రులను పూర్తిగా పార్టీకి కేటాయిస్తారని తెలిసింది. గులాంనబీ ఆజాద్, ముకుల్ వాస్నిక్ పార్టీ బాధ్యతలతో పాటు మంత్రివర్గ బాధ్యతల్ని కూడా నిర్వహిస్తున్న విషయం తెలిసిందే. ఇక సీడబ్ల్యుసీ, పార్టీ ఆఫీసు బేరర్ల పదవుల్లో అన్ని రాష్ట్రాల వారికి బాధ్యతలు అప్పగించనున్నట్లు తాజా సమాచారం.

...avnk