Posted: 12/28/2011 10:27 AM IST

పీఆర్పీ తరుపున పోటీ చేసి ఎమ్మెల్యేగా గెలుపొంది వైయస్సార్ కాంగ్రస్ పార్టీలో చేరిన జగన్ వర్గం ఆళ్ళగడ్డ ఎమ్మెల్యే శోభా నాగి రెడ్డి తన రాజీనామా లేఖను సమర్పించారు. ఆమె రాజీనామా లేఖ సమర్పించే సమయంలో స్పీకర్ లేకపోవడంతో ఆమె రాజీనామా లేఖను అసెంబ్లీ కార్యదర్శికి ఇచ్చారు. ఆమె విలేకరులతో మాట్లాడుతూ తాను ఉప ఎన్నికల్లో వైయస్సార్సీ పార్టీ నుండి గెలవాలనుకుంటున్నానని, కనుమరుగైన పీఆర్పీ పార్టీ ఎమ్మెల్యేగా కొనసాగాలనుకోవడం లేదన్నారు. ప్రజారాజ్యం పార్టీ ఓటు వేసి గెలిపించిన ప్రజలను మోసం చేసిందని విమర్శించారు. అలాంటి పిఆర్పీ ఇచ్చిన విప్‌కు విలువ ఉండదన్నారు. జగన్ ఆలోచన మేరకు రైతులు, కూలిల కోసమే తాము ప్రజల్లోకి వెళ్లాలని నిర్ణయించుకున్నామని చెప్పారు. పిఆర్పీ ఇచ్చిన అనర్హత పిటిషన్‌పై నిర్ణయం తీసుకుంటే తాను కోర్టుకు వెళతానని చెప్పారు.