నిర్మాతల వ్యవహారంపై లావణ్య రియాక్షన్

Posted: 10/31/2017 04:03 PM IST

Lavanya tripathi on producers penalty issue

నటి లావణ్య త్రిపాఠి వరుసగా డిజాస్టర్లు పలకరిస్తుండటంతో ఆఖరిగా హాట్ అవతార్ లోకి మారిపోయి ప్రయత్నాలు మొదలుపెట్టింది. మేఘా ఆకాశ్ తప్పుకోవటంతో రామ్ చిత్రంలో ఛాన్స్ దక్కించుకున్న ఈ డెహ్రాడూన్ బ్యూటీ చివరకు ఉన్నది ఒక్కటే జిందగీ చిత్రంతో హిట్ అందుకుంది. ప్రస్తుతం ఈ చిత్ర సక్సెస్ ఎంజాయ్ చేస్తున్న లావణ్యకు ఓ చిక్కు ఎదరైందంటూ కోలీవుడ్ మీడియా ఓ కథనం ప్రచురించాయి.

100% లవ్ చిత్రం తమిళంలో రీమేక్ లో ముందు లావణ్యను తీసుకున్న విషయం తెలిసిందే. అయితే, ఈ సినిమాకు ముందు ఓకే చెప్పిన తర్వాత ఎందుకో ఆమె డ్రాప్ అయిపోయింది. దీంతో ఆ ఛాన్స్ 'అర్జున్ రెడ్డి' ఫేమ్ షాలిని పాండేకి దక్కింది. అయితే నిర్మాతలు మాత్రం లావణ్యను నిర్మాతల కౌన్సిల్ కు ఇడ్చార్ననది ఆ వార్త సారాంశం. రూ. 3 కోట్ల నష్టపరిహారాన్ని తమకు ఇప్పించాలని నిర్మాతలు కోలీవుడ్ కౌన్సిల్ ను కోరినట్టు, ఆ మేరకు ఆమెపై జరిమానా విధించినట్టు కూడా వార్తలు వెలువడుతున్నాయి.

ఈ నేపథ్యంలో లావణ్య స్పందించింది. కోలీవుడ్ నిర్మాతల సంఘం తనపై రూ. 3 కోట్ల జరిమానా విధించినట్టు వచ్చిన వార్తల్లో ఎంతమాత్రం వాస్తవం లేదని ప్రకటించింది. అనివార్య కారణాల వల్లే తాను ఆ చిత్రం నుంచి తప్పుకున్నానని.. ఆ ప్రాజెక్టుపై నిర్మాతలు తనపై ఎలాంటి ఫిర్యాదు కూడా చేయలేదని ఆమె చెప్పుకొచ్చింది. దీంతో కోలీవుడ్ మీడియా.. దాని ఆధారంగా కొన్ని మన మీడియా ఛానెళ్లు కూడా రాసిన ఆ వార్త ఫేక్ అని తేలింది.