Posted: 11/05/2012 03:48 PM IST

విశాఖ పట్నం రీజియన్ పాస్‌పోర్టు దరఖాస్తుదారుల కష్టాల్ని తీర్చేందుకు అధికారులు నడుం బిగించారు. ఆన్‌లైన్ అపాయింట్‌మెంట్ లభించని అభ్యర్థులకు న్యాయం చేసేందుకు ప్రయత్నిస్తున్నారు. మరో 80 మందికి స్లాట్ లభ్యమయ్యేలా ప్రయత్నాలు ప్రారంభించారు. విశాఖ పాస్‌పోర్టు కార్యాలయ పరిధిలో నిత్యం 540 మందికి అపాయింట్‌మెంట్ లభించే అవకాశాన్ని కేంద్రమంత్రిత్వ శాఖ ఇచ్చింది. ఉదయం 9 నుంచి 11 గంటల మధ్య మురళీనగర్‌లోని పాస్‌పోర్టు సేవా కేంద్రంలో వృద్ధులు, పిల్లలు, అంగవికలురు వంటి 9 విభాగాలుగా ప్రత్యేక సేవలు అందిస్తున్నారు. ఐదు జిల్లాల నుంచి వచ్చే పీసీసీ (పోలీస్ క్లియరెన్స్ సర్టిఫికెట్) లకు మరో 120 వరకు స్లాట్ల సాయం చేస్తోంది.
తాజా, తత్కాల్, మిస్‌లీనియస్ ప్రక్రియ కోసం మిగతా అపాయింట్‌మెంట్లు (సుమారు 200) కేటాయిస్తున్నారు. వీటిలో పాస్‌పోర్టు కార్యాలయం నుంచి సుమారు 40 నుంచి 60 వరకు మ్యాన్యువల్‌వి ఉంటున్నాయి. అయినా పాస్‌పోర్టులకు డిమాండ్ పెరగడంతో మ్యాన్యువల్/కార్యాలయ/పీఎస్‌కే అపాయింట్‌మెంట్ల సంఖ్య పెంచేందుకు కృషి చేస్తున్నారు. తాజా పరిస్థితుల్లో పెండింగ్ దరఖాస్తులు దాదాపు పరిష్కారమైపోయాయి. పీసీసీల సంఖ్య తగ్గిపోయింది. దీంతో మరో వారం రోజుల్లో సుమారు 80 మందికి లబ్ధి చేకూరేలా (ఆన్‌లైన్/మ్యాన్యువల్) అపాయింట్‌మెంట్లిచ్చే అవకాశం ఉందని పాస్‌పోర్టు కార్యాలయ సిబ్బంది చెబుతున్నారు. మరిన్ని వివరాల కోసం పాస్‌పోర్టు కార్యాలయ పనివేళల్లో సంప్రదిచ్చవచ్చునని పాస్ పోర్ట్ ఆఫీసర్ వెల్లడించారు.

...avnk