ద్రాక్షరసం తాగండి.. ఆరోగ్యంగా వుండండి..

Posted: 09/09/2015 11:28 AM IST

ఆరోగ్యాన్ని మెరుగుపరిచే హెల్దీ ఫ్రూట్స్ లో ద్రాక్షపండు ఒకటి. ఇందులో వుండే పోషకాలు రకరకాల వ్యాధుల నుంచి పోరాడి.. నిత్యం ఆరోగ్యంగా వుండేందుకు ప్రేరేపిస్తాయి. దీనిని పండు రూపంలో కంటే జ్యూస్ గా తీసుకుంటే మరెన్నో ప్రయోజనాలు కలుగుతాయని ఆరోగ్య నిపుణులు అంటున్నారు.

ఈ ద్రాక్షరసం ఆరోగ్యానికి ఎంతో మేలు చేయడంతోపాటు అందాన్ని మెరుగుపరుస్తుంది కూడా. అందం విషయం పక్కనపెడితే.. ద్రాక్షపండ్లలో అల్జీమర్స్‌ను నయం చేసే లక్షణాలున్నాయి. ఇవి శరీరంలోని కొవ్వును యూరిన్ ద్వారా వెలివేయడంతోపాటు యూరిక్ ఆమ్లాన్ని కూడా తొలగిస్తుందని నిపుణులు అంటున్నారు. ద్రాక్ష రసాన్ని తీసుకోవడం ద్వారా రక్తాన్ని శుద్ధీకరిస్తుంది. రక్తప్రసరణను మెరుగుపరుస్తుంది. ఇందులో ఐరన్ అనారోగ్య సమస్యల్ని దూరం చేస్తుంది. శరీరానికి తేమనిస్తుంది. కంటికి మేలు చేస్తుంది. మారుతున్న కాలంతోపాటు వచ్చే చిరుజబ్బుల్ని నయం చేయడంలోనూ ఈ ద్రాక్షరసం సమర్థవంతంగా పనిచేస్తుంది. అలాగే.. కడుపుకు సంబంధించిన వ్యాధలను నయం చేస్తుంది. శరీర బరువును అదుపులోకి వుంచుతుంది. నిత్యం దీనిని తాగితే.. ఇది ఎక్కువ ఆకలి కానివ్వకుండా చేస్తుంది. అందుకే.. ప్రతిరోజూ కనీసం ఒక గ్లాస్ గ్రేప్ జ్యూస్ తాగాలని నిపుణులు సూచిస్తున్నారు.
ఇక ఈ ద్రాక్షరసం వల్ల కలిగే సౌందర్య ప్రయోజనాల విషయానికొస్తే.. ఇది కంటి కింద నల్లని వలయాలకు చెక్  పెడుతుంది. ద్రాక్ష పండ్లను కట్ చేసి ఆ రసాన్ని కంటి కింద నల్లటి వలయాలపై రాస్తే ఫలితం ఉంటుంది. ఒక స్పూన్ ద్రాక్ష రసంతోపాటు ఒక స్పూన్ గుడ్డులోని తెల్లసొనను కలిపి ముఖానికి ఫేస్ ప్యాక్‌లో వేసుకుని పది నిమిషాల తర్వాత చల్లటి నీటిలో కడిగేస్తే చర్మం పొడిబారదు. చర్మానికి నిగారింపు సంతరించుకుంటుంది. గ్రేప్ తొక్కలను ముఖానికి మాస్క్‌లా వేసుకోవడం ద్వారా చర్మాన్ని శుభ్రం చేసుకోవచ్చు. ఇందులో యాంటీయాక్సిడెంట్లు చర్మానికి క్లెన్సర్‌లా ఉపయోగపడుతాయి. చర్మానికి కొత్త కాంతిని ఇస్తాయి. సన్ టాన్ నుంచి చర్మాన్ని రక్షణ కల్పిస్తాయి.