ఊపిరితిత్తులను ఆరోగ్యంగా వుంచే 5 ఫుడ్స్

Posted: 06/10/2015 06:42 PM IST

Best foods for healthy lungs home remedies

శ్వాసకోశ సంబంధిత వ్యాధులను దూరం చేసుకోవాలంటే ఊపిరితిత్తులను ఆరోగ్యంగా వుంచుకోవాలి. ఊపిరితిత్తులను ఆరోగ్యంగా వుంచుకవాలంటే ముందుగా గుట్కా అలవాట్లను పూర్తిగా మానుకోవాలని వైద్యనిపుణులు అంటున్నారు. లేకపోతే భవిష్యత్తులో తీవ్ర సమస్యల్ని ఎదుర్కోవలసి వస్తుందని హెచ్చరిస్తున్నారు. ఇక కొన్ని ఫుడ్స్ ఊపిరితిత్తులో ఆరోగ్యాన్ని మెరుగుపర్చడంలో ఎంతగానో సహాయం చేస్తాయని, వాటిని నిత్యం శుభ్రం చేయడంతోపాటు శ్వాస సమస్యల చికిత్సను ఎంతో సహకరిస్తాయని అంటున్నారు. ఇంతకీ ఆ ఫుడ్స్ ఏంటో తెలుసుకుందామా..

ఊపిరితిత్తులను ఆరోగ్యంగా వుంచే ఫుడ్స్ :

ఆరెంజ్ : ఇందులో విటమిన్-సి పుష్కలంగా వుంటుంది. ఇది ఊపిరితిత్తులో ఆక్సిజన్ శోషణ సామర్థ్యాన్ని పెంచడంలో దోహదపడుతుంది. అందుకే.. ఆరెంజ్ పండ్లను రెగ్యులర్ డైట్ లో చేర్చుకుంటే ఎంతో శ్రేయస్కరమని నిపుణులు సూచిస్తున్నారు.

దానిమ్మపండ్లు : ఈ పండ్లలో యాంటీఆక్సిడెంట్స్ సమృద్దిగా వుంటాయి. అవి ఊపిరితిత్తులలో కణితులను నివారించడంలో సహాయం చేస్తాయి. అంతేకాదు.. శ్వాస సమస్యల చికిత్సకు అద్భుతమైన ఆహారంగా దానిమ్మ పనిచేస్తుంది.

ఉల్లిపాయలు : రెగ్యులర్ డైట్ లో చేర్చుకునే ఉల్లిపాయలు ఘాటుగానే వుంటాయి కానీ.. వాటిలో వుండే ఆవిర్లు ఊపిరితిత్తుల ఆరోగ్యానికి అద్భుతంగా పనిచేస్తాయి. పొగ త్రాగేవారు ఆరోగ్యకరమైన ఊపిరితిత్తుల కోసం తప్పనిసరిగా ఉల్లిపాయలను తినాలి.

ఆపిల్స్ : వీటిలో ఫ్లేవనాయిడ్స్, విటమిన్లు E, B, C సమృద్ధిగా వుంటాయి. ఈ మూలకాలు ఊపిరితిత్తులను నిత్యం శుభ్రం చేయడంతోపాటు వాటిని ఆరోగ్యంగా వుంచడంలో సమర్థవంతంగా పనిచేస్తాయి.

ద్రాక్షపండ్లు : ఊపిరితిత్తులలో కంతి పెరుగుదలను బంధించే ‘నరింగిన్’ అనే కీలకమైన ఫ్లేవనాయిడ్ వీటిల్లో ఉంటుంది. ద్రాక్ష పండ్లు అనేవి ఊపిరితిత్తులను శుభ్రం చేస్తాయని ఆరోగ్య నిపుణులు చెబుతున్నారు.