కళ్ళు అలసిపోకుండా

పిల్లలు పరీక్షల కోసం పుస్తకాలు, పెద్ద వాళ్ళు ఆఫీసులో ఫైళ్ళన్ని ముందే వేసుకొని గంటల తరబడి కూర్చుంటారు. అలా కూర్చున్నప్పుడు కళ్ళు అలసిపోవడం, తలనొప్పి, కంటి సమస్యలు తలెత్తుతాయి. అలా జరగకుండా కొన్ని జాగ్రత్తలు తీసుకుంటే సరిపోతుందని చెబుతున్నారు నిపుణులు.

- గదిలో లైటు కాంటి కాగితం మీద పడకుండా చూసుకోవాలి.

- లైటుకు కాస్తంత దూరంగా కూర్చోవాలి.

- పగటి పూట చదువుకునేటప్పుడు కిటికీలకూ దూరంగా కూర్చోవాలి.

- కిటికీ అద్దాల వెలుతురు కళ్ల మీద పడకుండా చూసుకోవాలి. ఆ కాంతి కళ్ళ మీద పడితే కళ్ళకు హాని చేస్తుంది.

- చదివేటప్పడు తగినంత వెలుతురు ఉండేలా చూసుకోవాలి.

- సూర్యకిరణాల వల్ల కళ్ళు బాగా అలసిపోతాయి. కాబట్టి నీడలో చదువుకోవడం మంచిది.

- కళ్ళు మంటగా అనిపించినప్పుడు మొత్తని వస్త్రాన్ని నీళ్ళలో ముంచి కళ్ళ మీద పెట్టుకోవాలి. ఫలితంగా కళ్ళు వాయకుండా ఉంటాయి. ఈ జాగ్రత్తలు పాటిస్తే కళ్ళు అసలిపోకుండా ఉంటాయి.

- రోజుకు పదహారు గంటల పాటు చదివేవాళ్ళు వైద్యుల సలహా మేరకు కళ్ళద్దాలను వాడితే మంచిది.