డబ్బింగులు చెప్పుకుంటున్నాడట

Posted: 10/08/2014 04:27 PM IST

Vikram starts dubbing for i movie hindi version

చియాన్ విక్రమ్ గా పేరు తెచ్చుకన్న తమిళ హీరో విక్రమ్ ప్రస్తుతం ‘ఐ’ సినిమా పోస్ట్ ప్రొడక్షన్ పనుల్లో బిజిగా ఉన్నట్లు తెలుస్తోంది. ఈ భారీ బడ్జెట్ సినిమాను తమిళంతో పాటు పలు భాషల్లో విడుదల చేస్తున్న విషయం తెలిసిందే. గత నెలలో షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ పనులు ప్రస్తుతం శరవేగంగా జరుగుతున్నాయి. పలు భాషల్లో విడుదల అవుతున్న ఈ సినిమాకు విక్రమ్ స్వయంగా అన్ని భాషలకు డబ్బింగ్ చెప్పుకుంటున్నాడట. ప్రస్తుతం చియాన్ హిందీ ‘ఐ’కి డబ్బింగ్ చెప్తున్నాడట. ఇందుకోసం ముంబైకి వెళ్ళినట్లు సమాచారం.

‘ఐ’ సినిమా డైరీలోని మరిన్ని వివరాలు ఇలా ఉన్నాయి.

* అక్టోబర్ 23న దీపావళి రోజున ప్రపంచ వ్యాప్తంగా ఈ సినిమాను విడుదల చేస్తామని శంకర్ ప్రకటించారు.
* అందుకు తగ్గట్లుగానే పనులు వేగవంతంగా జరుగుతున్నాయి.
* ఇప్పటికే తెలుగు, తమిళ భాషల్లో డబ్బింగ్ పూర్తయింది.
* దీపావళికి సినిమా విడుదల అనుమానమే అని కోలివుడ్ వర్గాలు అంటున్నాయి.
* విక్రమ్ హీరోగా.. అమీజాక్సన్ హీరోయిన్ గా నటించారు.
* ఏ.ఆర్. రెహమాన్ సినిమాకు సంగీతం అందించాడు.
* రూ. 180 కోట్లు ఖర్చు చేసి ఈ సినిమాను నిర్మించారు.
* తమిళంలో విడుదలైన పాటలు, టీజర్ కు అనూహ్య స్పందన వచ్చింది.
* తెలుగులో ‘ఐ’ సినిమా పాటలు ఇంకా విడుదల కాలేదు.

కార్తిక్