హీటెక్కించేందుకు వచ్చేస్తుందట

Posted: 12/26/2014 04:05 PM IST

Ba pass movie telugu dubbing latest update

ఇండియాలో సెమీ పోర్న్ సినిమాలకు కేరాఫ్ అడ్రస్ బాలీవుడ్. అంతా చూపించి ఇదేమి తప్పు కాదు అని చెప్పుకునే సత్తా ఉంది ఆ ఇండస్ర్టీకే. వల్గారిటీ ప్రధాన ఎజెండాగా వచ్చిన సినిమాలు రికార్డు కలెక్షన్లు వసూలు చేసిన చరిత్ర ఉంది. దీంతో ప్రతి సినిమాలో ఎంతో కొంత అందాల ప్రదర్శనను పెట్టి.., డబ్బులు సంపాదించుకుంటున్నారు. ముంబై మోడల్స్ ను దిగుమతి చేసుకుంటున్న టాలీవుడ్ కు కూడా ఈ కల్చర్ పాకింది. దీంతో తెలుగులో కూడా కొంత కాలంగా ఎక్స్ పోజింగ్ సీన్ల సినిమాలు వస్తున్నాయి. ఎంత జరిగినా బాలీవుడ్ తో పోలిస్తే తెలుగు ఇండస్ర్టీ ఇంకా కంట్రోల్ లోనే ఉంది.

అప్పుడప్పుడూ బాలీవుడ్ మూవీలు తెలుగులో డబ్ అయి ప్రేక్షకులను అందాలతో ఆకర్షిస్తున్నాయి. దీంతో టాలీవుడ్ లో కూడా డోస్ పెంచాల్సిన పరిస్థితి ఏర్పడుతోంది. హిందీలో వచ్చిన బి.ఎ.పాస్ (B.A.Pass) సినిమా గురించి ఇఫ్పుడు మాట్లాడుకోవాలి. ఎందుకంటే ఈ సినిమాను తెలుగులోకి డబ్ చేస్తున్ానరట. అజయ్ బహల్ డైరెక్షన్ లో వచ్చిన మూవీ చూడటానికి పోర్న్ సినిమాలా ఉన్నా ఐదు జాతీయ అవార్డులు అందుకుంది. అలాంటి సినిమాను తెలుగులోకి దించేందుకు లోకల్ ప్రొడ్యూసర్లు తహతహలాడుతున్నారు.

సినిమాను ఏ మాత్రం మార్చకుండా టైటిల్ తో సహా పూర్తిగా డబ్ చేసి విడుదల చేయాలని భావిస్తున్నారు. ఓవర్ డోస్ హాట్ సీన్లతో నిండిన ఈ సినిమా తెలుగులో విడుదల అయితే థియేటర్లు హీటెక్కటం ఖాయం. కాని స్థానిక పరిస్థితులకు అనుగుణంగా సినిమాను చూపించాలంటే సగం మూవీకి కత్తెరేయాలి. ఇదే జరిగితే నిర్మాత భారీగా నష్టపోతాడు.., అంతేకాకుండా సినిమాకు ఉన్న అర్థం కూడా మారిపోతుంది. అలా కాదని క్లీన్ చిట్ ఇచ్చి వదిలేస్తే అనర్దాలకు దారితీసినా ఆశ్చర్యపోనక్కర్లేదు. ఈ సినిమాను ప్రేక్షకులకు చూపించాలని తహతహలాడుతున్న నిర్మాతలు సెన్సార్ వద్ద తలొగ్గుతారా.., లేక అందాలను చూపించేందుకు ఉద్యమిస్తారా అనేది తెలియాల్సి ఉంది. ఈ మూవీ విడుదల అయితే ప్రజలు, మహిళా సంఘాల నుంచి విమర్శలు రావటం మాత్రం ఖాయం. ఇంతలా ఎందుకు చెప్తున్నామో ఈ ట్రైలర్ చూస్తే అర్థమవుతుంది.

కార్తిక్