మహేష్ కోసం గొంతు విప్పుతున్న బాహుబలి

Posted: 10/28/2014 01:56 PM IST

టాలీవుడ్ హీరోలు ఒకరికి మరొకరు సహకరించుకోవటం సహజమే. ఒకప్పటి సినిమాల్లో స్పెషల్ క్యారెక్టర్లు, గెస్ట్ అప్పియరెన్స్ ఉంటే ఇప్పుడు సినిమాల్లో పాటలతో పాటు కన్పించకుండా గొంతును కూడా విన్పిస్తున్నా. అదేనండీ వాయిస్ ఓవర్. ప్రముఖ హీరోల సినిమాలకు మరొక ప్రముఖ హీరో గొంతుతో వాయిస్ చెప్పిస్తున్నారు. ఇది క్రేజీ అండ్ సక్సెస్ మంత్రగా మారిపోయిందిప్పుడు. మహేష్ బాబు, రవితేజ, ఇలా స్టార్ హీరోలు ఇతరుల సినిమాలకు వాయిస్ ఇవ్వగా ఇప్పుడీ లిస్ట్ లో ‘బాహుబలి’ ప్రభాస్ చేరాడని తెలుస్తోంది.

కొరటాల శివ డైరెక్షన్ లో మహేష్ బాబు ఓ సినిమా చేస్తున్న విషయం తెలిసిందే. ఈ ప్రాజెక్టు కు ప్రభాస్ వాయిస్ ఉంటుందని ఫిలింనగర్ లో గుసగుసలు విన్పిస్తున్నాయి. శివకు ప్రభాస్ తో ఉన్న అనుబంధం కారణంగా ఇలా జరగవచ్చు అని అంటున్నారు. గతంలో పవన్ ‘జల్సా’, ఎన్టీఆర్ ‘బాద్షా’ సినిమాలకు మహేష్ వాయిస్ ఇచ్చాడు. ఇతరులకు గొంతు ఇచ్చిన ప్రిన్స్ ఇప్పుడు ప్రభాస్ నుంచి వాయిస్ తీసుకోవటంపై ఎలా స్పందిస్తాడనేది వేచి చూడాలి. ‘మిర్చి’ సినిమా తర్వాత శివ డైరెక్ట్ చేస్తున్న మూవీ ఇదే.

‘ఆగడు’ తర్వాత విరామం తీసుకున్న మహేష్.., శివ సినిమాతో మళ్ళీ షూటింగ్ మొదలు పెట్టనున్నాడు. ప్రస్తుతం ప్రి ప్రొడక్షన్ పనులు జరుపుకుంటున్న ఈ సినిమా షూటింగ్ 30న ప్రారంభించేందుకు సన్నాహాలు చేస్తున్నారు. శృతిహాసన్ ఇందులో హీరోయిన్ అని తెలుస్తోంది. ఇక ఇతర క్యారెక్టర్లను చూస్తే.., జగపతిబాబు, రాజేంద్ర ప్రసాద్ కీలక పాత్రల్లో ఉంటారని తెలుస్తోంది.

 

కార్తిక్