Posted: 01/31/2013 09:37 PM IST

సినిమా హీరోయిన్లకు ప్రేమలు, సహజీవనాలు చాలా కామన్. ఇవాళ ఒకరితో తిరిగి వారి పై మోజు తీరిన తరువాత వేరొకరితో తిరగడం వీరికి వెన్నతో పెట్టిన విద్య. ఇదేంటి అని అడిగితే... కోపం చిరాకు. కొందరు పీకల్లోతు ప్రేమలో మునిగి ఆ మైకంలో పెళ్లి చేసుకోకున్నా వారితో సహజీవనం చేస్తుంటారు. ఇప్పుడు మలయాళ ముద్దుగుమ్మ మీరా జాస్మిన్ కూడా కొంతకాలంగా ప్రముఖ సంగీత విధ్వాంసుడు మాండలిన్ శ్రీనివాసన్‌ సోదరుడు రాజేశ్‌తో ప్రేమాయణం సాగించడమే కాకుండా, ఏకంగా సహజీవనం కూడా సాగిస్తోంది. దీంతో ఈ అమ్మడుకి సినిమా అవకాశాలు లేకున్నా మీడియాలో మాత్రం పేరు మారుమోగిపోతుంది. అయితే ఈ అమ్మడు పెళ్లి కాకుండానే సహజీనం చేస్తే తప్పేంటి అని ప్రశ్నిస్తుంది. తాను ఇష్టపడ్డ వ్యక్తితో సహాజీనం చేస్తాను, కానీ పెళ్ళి మాత్రం ఎప్పుడు చేసుకుంటానో చెప్పలేను. పెళ్లి కంటే నాకు సహజీవనం పైనే ఎక్కువ నమ్మకం ఉంది అని నిర్మోహమాటంగా చెబుతుంది. మరి సదరు ప్రేమికుడు మీరా జాస్మిన్ పై మోజు తీరాక వదిలేస్తే అప్పుడేం సమాధానం చెబుతుందో చూడాలి అంటున్నారు సినీ జనాలు.