Posted: 01/30/2013 05:20 PM IST

ప్రస్తుతం సినిమా ఇండస్ట్రీలో ఐటెం సాంగుల హవా నడుస్తుంది. ఈ ఐటెం సాంగుల్లో నటించడానికి ఐటెంగర్ల్స్ కాకుండా స్టార్ హీరోయిన్లు సైతం వెనకాడటం లేదు. బాలీవుడ్ లో ఇప్పటికే కరీనా కపూర్ లాంటి వారు ఐటెం సాంగుల్లో నటిస్తూ అలరిస్తుస్తుంటే... వారి జాబితాలోకి ఒకప్పటి అగ్రతార, అందాల సుందరి అయిన మాధురీ దీక్షిత్ కూడా ఐటెం సాంగుల్లో నటించడానికి రెడీ అంటుంది. తన నటనతో, అందంతో ఓ దశాబ్దం పాటు ఓ వెలుగు వెలిగిన ఈ అమ్మడు ఓ ఎన్నారై డాక్టర్ ని పెళ్లి చేసుకొని వెండితెరకు దూరం అయింది. తాజాగా తన రెండో ఇన్నింగ్స్ ను మొదలుపెట్టి 'ఆజ్ నాచ్ లే' సినిమాతో ప్రేక్షకులను అలరించింది. ఈ నేపథ్యంలో యువ దర్శకుడు, నటుడు అయాన్ ముఖర్జీ సినిమా 'ఏ జవానీ హాయ్ దివానీ'లో ప్రత్యేక గీతానికి బాగా ప్రాధాన్యముండడంతో మాధురీ పచ్చ జెండా ఊపినట్లు బాలీవుడ్ వర్గాలు చెప్పుకుంటున్నాయి. ఈ పాటలో యువ హీరో రణబీర్ కపూర్ తో కలిసి ఆమె డాన్స్ చేస్తుంది. ఇప్పటికి ప్రేక్షకుల్లో ఏ మాత్రం క్రేజ్ తగ్గని మాధురీ దీక్షిత్ ఐటెం గాళ్ ఏ మాత్రం అలరిస్తుందో చూడాలి.