Posted: 08/29/2012 09:34 PM IST

యంగ్ టైగర్ ఎన్టీఆర్ కి సినిమా ఇండస్ట్రీలో ఎంతో క్రేజ్ ఉంది. మరి అంతటి హీరో ఓ జఫ్పా కి భయపడుతున్నాడట. మరి ఎన్టీఆర్ ని భయపెట్టే ఆ జఫ్పా ఎవరై ఉంటారంటారు ? ఇంకెవరు మన బ్రహ్మీ. అవును బ్రహ్మానందానికి జూనియర్ ఎన్టీఆర్ భయపడుతున్నాడట. ఎందుకంటే... బ్రహ్మానందం కామెడీ ఉంటే సినిమా ఎంత హైలెట్ అవుతుందో మనందరికీ తెలిసిందే. కొన్ని సినిమాలు బ్రహ్మీ కామెడీతో బాక్సాఫీసు వద్ద బొల్తా పడకుండా బయటపడినవి ఉన్నాయి. అలాంటి కామెడీ ఉన్న పాత్రను శీనువైట్ల బ్రహ్మానందం కోసం క్రియేట్ చేశాడట. ఈ కామెడీ సినిమాకి హైలెట్ అవుతుందని కూడా ఆ సినిమా యూనిట్ కూడా అంటున్నారట.

ఈ విషయం విన్న జూనియర్ ఎన్టీఆర్ బ్రహ్మానందం కామెడీ సినిమాకి హైలెట్ అయితే తన పాత్రకి పెద్దగా పేరు రాదని, బ్రహ్మానందమే ఈ సినిమాకి హైలెట్ అవుతాడని లోలోపట భయపడుతున్నాడట. గతంలో కూడా ఎన్టీఆర్ బ్రహ్మానందం నటించిన అదుర్స్ సినిమాలో కూడా బ్రహ్మీ కామెడీనే హైలెట్ అయింది. ఇప్పుడు కూడా అదే జరుగుతుందని భయపడి ఎన్టీఆర్ శీనువైట్లతో బ్రహ్మానందం కామెడీ తగ్గించమని చెబుతున్నాడని ఫిలింనరగ్ టాక్.  కానీ ఈ విషయంలో శ్రీను వైట్ల ఎటువంటి హామీ ఎన్‌టిఆర్‌కు ఇవ్వకపోవడం మింగుడుపడనిదిగా తయారైందంటున్నారు.