Posted: 07/05/2012 09:28 PM IST

రామ్ చరణ్ తేజ ట్విటర్ ఖాతాను ప్రారంభించి దాదాపు రెండు లక్షల మంది ఫాలోవర్లను సంపాదించుకొన్నాడు. అందులో అనేక వివాదాస్పద ట్వీట్లను ఇచ్చాడు. దాసరి నారాయణ రావు విషయంలోనూ వైఎస్ జగన్ విషయంలోనూ రామ్ చరణ్ ఇచ్చిన ట్వీట్లు వివాదాస్పదం అయ్యి వారి అభిమానులు బాధపెట్టాయి. అయితే తాజాగా చరణ్ ట్విటర్ నుంచి వైదొలిగాడు. ఇందుకు కారణం ఏంటనే విషయం అతడు ప్రకటించక హఠాత్తుగా అకౌంట్ డిలీట్ చేశాడు. దాదాపు రెండు లక్షల మందికి ఇన్ని రోజుల పాటు తన సుద్దులు వినిపించిన ఈ మెగాతనయుడు అకౌంట్ డిలీట్ విషయంలో మాత్రం ఎవరికీ మాట మాత్రం చెప్పలేదు. అకౌంట్ డిలీట్ చేస్తున్న విషయం ఒక పది అక్షరాల్లో టైప్ చేసి ట్వీట్ ఇచ్చినా అభిమానులందరూ సంతృప్తి చెందేవారేమో...కానీ ఇప్పుడు చరణ్ అకౌంట్ డిలీషన్ విషయంలో కొత్త అనుమానాలు తలెత్తుతున్నాయి...

ఇప్పటికే అభిమానులు ఎంతోమంది ఉండటంతో తరచూ అభిమానులకు, మీడియాకు అందుబాటులో ఉండకుండా అప్పడప్పుడు మాత్రమే కనిపిస్తుండటం వల్ల హైప్ పెరుగుతుందని, ఈ విషయంలో బాబాయ్ పవన్ కళ్యాణ్‌ను ఫాలో కావాలని చెర్రీ నిర్ణయించుకున్నాడని అంటున్నారు. ఇక్కడ మరో వార్త కూడా ఫిల్మ్ నగర్లో చక్కర్లు కొడుతోంది. ట్విట్టర్లో తన భార్య ఉపాసనపై కొందరు భరించలేని కామెంట్స్ చేస్తుండటం వల్లనే రామ్ చరణ్ ట్విట్టర్‌కు స్విస్తి చెప్పాడని అంటున్నారు.