Posted: 02/15/2012 07:09 PM IST

ముద్దుగుమ్మ కరీనా కపూర్ త్వరలో మెగాఫోన్ పట్టుకోనుందా?...అవుననే అంటున్నాయి ముంబైలోని ఆమె సన్నిహిత వర్గాలు. ప్రస్తుతం ఈ సుందరి ప్రియుడు సైఫ్‌అలీఖాన్ స్వీయ నిర్మాణంలో తెరకెక్కిస్తున్న ‘ఏజెంట్ వినోద్’ చిత్ర షూటింగ్‌లో బిజీగా వుంది. ఈ చిత్ర నిర్మాణ వ్యవహారాలతో పాటు దర్శకత్వ విభాగాన్ని కూడా దగ్గరుండి పర్యవేక్షిస్తోంది కరీనా. ఇదంతా దర్శకత్వానికి సన్నాహాకంగానే అని చిత్ర వర్గాలు చెప్పుకుంటున్నాయి. విశ్వసనీయ సమాచారం ప్రకారం సినిమా నిర్మాణంతో పాటు, దర్శకత్వ శాఖలో కరీనా ఆసక్తిని గమనించిన ప్రముఖ దర్శకనిర్మాత కరణ్‌జోహార్ ఈ భామను దర్శకురాలిగా ప్రమోట్ చేస్తానని మాటిచ్చాడట. ఇటీవలే కరణ్ నిర్మించిన ‘ఏక్ మై ఔర్ ఏక్ తూ’ చిత్రంలో ఈ భామ నటించింది. ఈ చిత్ర షూటింగ్ సమయంలో కరీనా దర్శకత్వ ప్రతిభకు కరణ్ ముగ్ధుడయ్యాడని చిత్ర వర్గాలు అంటున్నాయి. ‘సినిమాలో తను చేసిన కొన్ని సన్నివేశాలు ‘జబ్ వియ్ మెట్’ చిత్రంలోని సన్నివేశాల్ని పోలివున్నాయని కరీనా చెప్పింది. అంతేకాదు స్క్రిప్ట్‌లో కొన్ని ముఖ్యమైన మార్పుల్ని కూడా సూచించిందిస్కిప్ట్‌పై కరీనాకున్న అవగాహన కరణ్‌జోహర్‌ను బాగా ఆకట్టుకుంది’ అని చిత్ర దర్శకుడు షకున్‌బాత్రా వ్యాఖ్యానించడం విశేషం. అయితే కరీనా కపూర్ డైరెక్షన్ డిపార్ట్ మెంట్ లో కూడా వేలు పెట్టబోతుందన్న మాట అని అనుకుంటున్నారు.