Posted: 12/12/2011 05:36 PM IST

ది డర్టీ పిక్చర్‌ అందించిన ఘనవిజయంతో విద్యాబాలన్‌ ఆనందానికి హద్దు లేకుండాపోయింది. త్వరలోనే ఎవరికీ తెలియని ప్రాంతానికి విహార పర్యటనకు వెళ్ళాలని యోచిస్తోంది. ఓ పదిహేను రోజులు ఎక్కడికైనా వెళ్ళాలని ఉంది, ఎక్కడికెళ్తానో నాకే తెలియదు అంటు చెబుతోంది. ఈ విహార పర్యటనలో ఆమె బాయ్‌ఫ్రెండ్‌ సిద్ధార్థ రాయ్‌ కపూర్‌ కూడా తోడు ఉండవచ్చునని అనుకుంటున్నారు. తాను ఏ పాత్రలోనైనా జీవిస్తే, కొన్ని రోజుల వరకూ ఆ పాత్ర ప్రభావం తనపై ఉంటుందని విద్యాబాలన్‌ అంటోంది. సబ్రినీ లేదా సిల్క్‌ స్మితగా నటించడం అంత తేలికేమీ కాదు. అలాంటి పాత్రలు ధరించిన తరువాత మనసు కొంత ఊరటను కోరుకుంటుంది అని తన పర్యటనకు కారణమేంటో చెప్పింది.