మెగా ఫ్యాన్స్‌కు వార్నింగ్!

Posted: 07/18/2013 01:47 PM IST

మెగా ఫ్యాన్స్ కు వార్నింగ్..! అవును.. మీరు చదివి వార్త నిజమే..! రేపు (జులై 19న) పవర్ స్టార్ పవన్ కళ్యాణ్ నటించిన చిత్రం అత్తారింటికి దారేది ఆడియో విడుదలవుతున్న విషయం తెలిసిందే. ఈ పవన్ సినిమా ఆడియో ఫంక్షన్ ద్రుష్టిలో పెట్టుకొని.. నగర పోలీస్ కమిషనర్ మెగా ఫ్యాన్స్ వార్నింగ్ ఇచ్చినట్లు సమాచారం. హైదరాబాద్‌లోని శిల్పకళా వేదికలో ఆడియో వేడుక జరుగనుంది. ఈ నేపథ్యంలో నగర పోలీసు విభాగం ఈ ఆడియో వేడుక కార్యక్రమంపై ప్రత్యేక దృష్టి సారించింది. గతంలో హైదరాబాద్‌లో జరిగిన ఓ ఆడియో వేడకలో అభిమాని మృతి చెందిన నేపథ్యంలో ఈ ఆడియో వేడుక నిర్వాహకులకు పోలీసులకు కట్టుదిట్టమైన ఆంక్షలు విధించారు. సీటింగ్ పరిమితి మేరకే పాసులు జారీ చేయాలని ఆదేశించారు. అత్తారింటికి దారేది ఆడియో కు పాసులు అందిన వారు మాత్రమే ఆడియో వేడుక ప్రాంగణానికి రావాలని, పాసులు దొరుకుతాయనే ఆశతో మాత్రం రావొద్దని సూచిస్తున్నారు. అదే విధంగా ఇతర జిల్లాల నుంచి వచ్చే అభిమానులకు కూడా పోలీసులు ఇలాంటి సూచనలే చేస్తున్నట్లు తెలుస్తోంది. నగర భద్రత ద్రష్ట్యా కట్టుదిట్టమైన చర్యలు పోలీసు కమిషనర్ తీసుకున్నట్లు సమాచారం. ఆడియో ఫంక్షన్ వద్ద ఎలాంటి అవాంచీనియమైన సంఘటనలు జరగకుండా ఉండేందుకు .. భారీ మొత్తం పోలీసు బలగాలను మోహరించినట్లు సమాచారం. ఈ కట్టుదిట్టమైన ఏర్పాట్లువల్ల మెగా అభిమానులు మండిపడుతున్నారు. తమ అభిమాను హీరో ఆడియో ఫంక్షన్ ను చూసే అవకాశం లేదా అని మెగా అభిమానులు బాధపడుతున్నారు. అయితే అతి తక్కువ మందికే ఆడియో ఫంక్షన్ పాసులు అందినట్లు ఫిలింనగర్ వాసులు అంటున్నారు. చిత్ర యూనిట్ సభ్యులు, మెగా ఫ్యాన్స్ కూడా పోలీసులకు సహకరించాలని నగర పోలీసు కమిషన్ కోరినట్లు టాలీవుడ్ సమాచారం.