చిరంజీవి వల్లే తెలంగాణ రాలేదట?

Posted: 05/01/2013 04:03 PM IST

Ap telugu gossips tourism minister chiranjeevi created confusion on the statehood for telangana

తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర్ కొత్త విషయాలు తెరపైకి తెచ్చారు. 2009లో కేసిఆర్ ఆమరణ నిరాహార దీక్ష చేసిన సమయంలోనే తెలంగాణ రాష్ట్రం ఏర్పాడుతుందని ఎంతో ఆశతో తెలంగాణ ప్రజలకు నిరాశ మిగిలిందని కేసిఆర్ అంటున్నారు. 2009లో తెలంగాణ రాకపోవటానికి కారణం అప్పటి ప్రజారాజ్యం అధినేత చిరంజీవి వలనే తెలంగాణ ప్రక్రియ వెనక్కి వెళ్లిందని కేసిఆర్ చెబుతున్నాడు. ఆ సమయంలో కేంద్రం డిసెంబర్ 9న తెలంగాణ ఇవ్వటానికి సిద్దమైంది. కానీ తెలుగుదేశం పార్టీ అద్యక్షుడు నారా చంద్రబాబు నాయుడు హస్తం కూడా ఉందని కేసిఆర్ చెబుతున్నాడు. ఈ ఇద్దరు కలిసి రాష్ట్రంలో పెద్ద అయోమయం పుట్టించి.. కేంద్ర యొక్క ఆలోచనలను పూర్తిగా మార్చటం వలనే ప్రత్యేక తెలంగాణ ప్రకటించకుండా కేంద్రం వెనక్కి వెళ్లిందని ఆయన అంటున్నారు.

ఆ సమయంలో కేంద్రం ఎందుకు వెనకడుగు వేసిందో ఇప్పటికి అంతుచిక్కలేదని టిఆర్ఎస్ నాయకుడు అంటున్నారు. 2009 డిసెంబర్ 9 కేంద్రం ఇచ్చిన ప్రకటన తరువాత.. రాష్ట్రంలో. కేంద్రమంత్రి చిరంజీవి, మాజీ ముఖ్మమంత్రి చంద్రబాబు నాయుడు.. ఆంధ్రలో భారీ ఎత్తు సభలు పెట్టి, రచ్చ రచ్చ చేయటంతో .. కాంగ్రెస్ అధిష్టానం తెలంగాణ కు సమస్యను పక్కన పెట్టడం జరిగిందని టిఆర్ఎస్ నాయకులు అంటున్నారు. అయితే ఈ సారి మాత్రం అలా కాదని 2014లో తమ తడాఖా ఏమిటో చూపించి, ప్రత్యేక తెలంగాణ రాష్ట్రం సాధించుకుంటామని టీఆర్ఎస్ పార్టీ నాయకులు, కార్యకర్తలు చెబుతున్నారు.