Posted: 02/15/2013 05:42 PM IST

నాగార్జున మంచి జోరు మీద ఉన్నాడు. యంగ్ హీరోలకు ఏ మాత్రం తీసిపోకుండా లుక్స్, క్రేజ్ ని కంటిన్యు చేస్తున్న నాగ్ పర్స్తుతం రెండు సినిమాల షూటింగ్ తో బిజీ గా ఉన్నాడు... దసరథ్ దర్సకత్వంలో నాగ్ నటిస్తున్న పూర్తి స్థాయి ప్రేమ కధా చిత్రం, 'గ్రీకు వీరుడు' షూటింగ్ పూర్తీ కావచ్చింది... ఈ చిత్రం లో నయనతార మీరా చోప్రా హీరోయిన్లు... మార్చ్ లో చిత్రం విడుదల చెయ్యడానికి సన్నాహాలు చేస్తున్నారు.. నాగ్ తో ఎన్నో చిత్రాలు నిర్మించిన అనుబంధం ఉన్న కామాక్షీ మోవీస్ సంస్థ ఈ చిత్రాన్ని నిర్మిస్తోంది. ఈ చిత్రం ఇంకా షూటింగ్ దశలో ఉండగానే, నాగ్ ఇంకో మాస్ చిత్రాన్ని మొదలు పెట్టేసాడు... మాఫియా బ్యాగ్రౌండ్ తో తెరకేక్కనున్న ఈ చిత్రం లో 'భాయ్' గా కనిపించనున్నాడు నాగ్. కామెడీ చిత్రాలు తీసిన అనుభవం, 'పూల రంగడు' చిత్రం తో విజయం సాధించిన గుర్తింపు ఉన్న వీరభద్రం ఈ చిత్రానికి దర్శకుడు...

అన్నపూర్ణ సంస్థ పై నాగ్ స్వీయ నిర్మాణం చేస్తున్న ఈ చిత్రం లో రిచా గంగోపాధ్యాయ్ హీరోయిన్, దేవి శ్రీ ప్రసాద్ సంగీత దర్శకుడు... ఈ చిత్రం షూటింగ్ కొంత భాగం విదేశాలలో జరుపుకొని ఇప్పుడు హైదరాబాద్ చేరింది. ప్రస్తుతం అన్నపూర్ణా స్టూడియోస్ లో షూటింగ్ శరవేగంగా జరుగుతోంది. ఈ చిత్రం షూటింగ్ ని కూడా త్వరలోనే పూర్తి చేసి విడుదల చెయ్యాలని నిర్ణయించాడట కింగ్... అవును మరి రాజు ఆదేశించిన తరువాత, ఇక తిరుగులేదు గా...