Posted: 01/03/2013 03:41 PM IST

2012 అంతా తెలుగు తమిళ సినిమాలని హిందీ లో రీమేక్ చేసి, అక్కడి వారు ఘన విజయాన్ని సొంతం చేసుకున్నారు... ఈ సంవత్సరం సీన్ రివర్స్ అని అనం కాని, ఇటు తెలుగు - తమిళ కధలని హిందీ లో రీమేక్ చెయ్యడం తో పాటు, అటు హిందీ లో ఘన విజయం సాధించిన సినిమాలని కూడా ఇటు తెలుగు లో రీమేక్ చెయ్యడానికి, మన దర్శక నిర్మాతలు,  సన్నాహాలు చేసేసారు, నటీ నటులు తమ నటన అధ్యయనాన్ని కూడా మొదలు పెట్టేసారు. గత సంవత్సరం హిందీ చిత్ర సీమకి భారీ లాభాలు తెచ్చిపెట్టిన సినిమాలు, అదే మాయాజాలం తెలుగు లో కూడా చెయ్యాలని, మన దర్శక నిర్మాతలు, ఈ సినిమాలని తెలుగు లో రీమేక్ చేస్తున్నారు... ఈ వరుసలో ముందుగ వస్తున్న చిత్రం, విద్యా బాలన్ నటించిన 'కహాని'... ఆద్యంతం ఆసక్తి రేకెత్తించే ఈ చిత్రం నిర్మాతకి 100 కోట్ల లాభాన్ని తెచ్చి పెట్టింది... అవతల హిందీ లో ఈ చిత్రం సీక్వెల్ కి సన్నాహాలు జరుగుతుంటే, ఇవుతల శేఖర్ కమ్ముల ఈ చిత్రాన్ని కొంత మార్పులు చేసి తెలుగు లో రీమేక్ చెయ్యడానికి రంగం సిద్ధం చేసుకున్నాడు... తెలుగు తో పాటు తమిళం లో కూడా ఈ చిత్రాన్ని రీమేక్ చేస్తున్నాడు, శేఖర్... ఇక 30 కోట్ల వ్యయం తో నిర్మింపబడి, విన్నూత్నమైన కధ కధనం కారణంగా, ప్రేక్షకులని అమితంగా ఆకట్టుకుని, 100 కోట్ల లాభాన్ని, ఈ చిత్ర నిర్మాత జాన్ అబ్రహాం కి తెచ్చి పెట్టింది, 'విక్కీ డొనర్'... ఈ సినిమా రీమేక్ హక్కులని, హీరో - నిర్మాత సిద్ధార్థ్ సొంతం చేసుకున్నాడు... ఇక వినోద భరిత చిత్రం 'బోల్ బచ్చన్' రీమేక్ లో వెంకటేష్ - రామ్ కలిసి నటిస్తున్న సంగతి మనకి తెలిసిందే.