Posted: 11/19/2012 09:18 PM IST

సినిమా ఇండస్ట్రీలో వారసత్వాన్ని పునికిపుచ్చుకొని చాలా మంది ఇండస్ట్రీలో సెటిల్ అయ్యారు. అబ్బాయిలు హీరోలుగా, అమ్మాయిలు హీరోయిన్లుగా ఎంట్రీ ఇస్తుంటారు. మరికొందరు వారికి ఏశాఖ ఇష్టమో అందులో సెటిల్ అవుతారు. ఇప్పటి వరకు మెగా ఫ్యామిలీ నుండి హీరోలుగా మాత్రమే తెరపైకి వచ్చారు. కానీ నిర్మాతగా ఎవరూ రాలేదు. తాజాగా ఆ ఫ్యామిలీ నుండి నాగబాబు కూతురు అయిన నిహారిక హీరోయిన్ కాకుండా నిర్మాత ఎంట్రో ఇవ్వబోతుందనే వార్తలు వస్తున్నాయి.  19 ఏళ్ల నీహారిక ప్రస్తుతం మాస్ కమ్యూనికేషన్ చదువుతోంది. ఇప్పటికే నీహారిక ఒక షార్ట్ ఫిల్మ్ లో నటించింది. నీహారికను హీరోయిన్ గా తమ సినిమాలో పెట్టుకుంటామంటూ చాలామంది అడిగారట. అయితే నిర్ణయాన్ని ఆమె ఇష్టానికే వదిలేశాడట నాగబాబు. దాంతో తన మనసులోని మాటను చెప్పింది నీహారిక. తనకి హీరోయిన్ కావాలని లేదట. సినిమాలో కీలకమైంది సినిమా నిర్మాణమనీ... అందుకే, తనకు సినిమా నిర్మాణం మీదే ఆసక్తి ఉందనీ అంటోంది. నిర్మాత అయితే సినిమాలోని అన్ని విభాగాలనూ చూడొచ్చు... అందుకే నేను ఎప్పటికైనా నిర్మాతను అవుతానంటోంది నీహారిక. నిర్మాతగా ఎంట్రీ ఇవ్వాలనుకుంటున్న ఆమె మెగా నిర్మాతగా పేరు తెచ్చుకొని, అల్లు అరవింద్ మించి పోతుందో లేదో చూడాలి.