Posted: 11/09/2012 07:39 PM IST

చిన్నప్పుడే ఆర్ఎస్ఎస్ భావాలను ఒంటబట్టించుకొని, తరువాత భారతీయ జనతాపార్టీలో ఓ సామాన్య కార్యకర్తగా చేరి, భారతీయ జనాతా పార్టీ అధ్యక్షుడిగా ఎదిగిన నితిత్ గడ్కరీ పై ఈ మధ్యన అవినీతి ఆరోపణలు వచ్చిన విషయం తెలిసిందే. ఈ నేపథ్యంలో నితిన్ గడ్కరీని అధ్యక్ష పదవి నుండి తప్పించాలనే డిమాండ్ బలంగా వినిపిస్తుంది. ఈ పరిస్థితుల్లో పార్టీ ఆయన్ని నాయకత్వం నుండి తప్పించి కొత్త వ్యక్తి పార్టీ బాధ్యతలు అప్పగించాలనే ఆలోచనలో ఉన్నట్లు వార్తలు. ఈ అధ్యక్ష రేసులో పలువురి పేర్లు ప్రముఖంగా వినిపిస్తున్నాయి. గతంలో అధ్యక్షుడిగా చేసి, ఎటువంటి ఆరోపణలు లేని రాజ్ నాథ్ సింగ్ ని మళ్ళీ అధ్యక్షుడ్ని చేయాలని ఆర్ఎస్ఎస్ పావులు కదుపుతుంది. మరో వైపు హిమాచల్ ముఖ్యమంత్రిగా గతంలో పనిచేసినటువంటి శాంతకుమార్ పేరు కూడా వినిపిస్తుంది. ఇతని పై కూడా ఎటువంటి ఆరోపణలు లేకపోవడం, ఆర్ఎస్ఎస్ కి అంత్యంత విశ్వాస పాత్రడిగా ఉన్నాడు. వీరిద్దరిలో ఎవరినో ఒకరిని అధ్యక్ష పీఠం పై కూర్చోబెట్టాలనే పట్టుదలతో ఆర్ఎస్ఎస్ ఉంది. మరి ఇటు గడ్కరీ కూడా మొదటి నుండి వారికి నమ్మకమున్న వ్యక్తే. ఒక వేళ మార్చు చేయవలసి వస్తే.... గడ్కరీ మనస్సు నొప్పించకుండా ఆయన్ని పదవి నుండి తప్పిస్తారనే వార్తలు వస్తున్నాయి. మరి ఈ పదవి ఎవర్ని వరిస్తుందో చూడాలి.