Posted: 11/05/2012 09:22 PM IST

ప్రపంచంలో ఎక్కడ ఏది జరిగినా క్షణాల్లో ప్రజలకు సమాచారం అందించే మీడియా ఇప్పుడు ప్రజల కోసం కాకుండా, రాజకీయ పార్టీల కోసం, రాజకీయ నాయకుల కోసం మాత్రమే పని చేస్తున్నాయి. ఒక వ్యక్తి రాజకీయంగా ఎదగాలన్న, రాజకీయాల్ని శాసించాలన్నా ముందు కావాల్సిన పబ్లిసిటీ. రాజకీయాల్లోకి రావాలనుకే వారు ముందు ఓ టీవీ ఛానల్ ని పెట్టుకొవాలని చూస్తున్నారు. ఇక ఇప్పటికే రాజకీయాల్లో ఉన్న వారు ఎవరికి వారే ఛానల్స్ పెట్టుకున్నారు.  మీడియా ఛానల్స్ లేని వారు ఏదో ఒక ఛానల్స్ తో ఒప్పందం కుదుర్చుకొని ఆ రంగు డబ్బాలో తన గురించి డబ్బా కొట్టించుకుంటున్నారు..ఈ ఛానల్స్ కూడా వారి దగ్గర ఎంతో కొంత పుచ్చుకొని వారికే వత్తాసు పలుకుంటారు. ఇక ఎన్నికల సమయంలోనైతే చెప్పాల్సిన అవరం లేదు. మీడియా వారు ఎంత అంటే అంతే.... ఇలా మీడియా కూడా విలువలు మర్చిపోయి నాయకుల జపం చేస్తున్నారు. ఇప్పుడు వారిలో సొంత ఛానల్ లేనిది కాంగ్రెస్ పార్టీకి మాత్రమే. ఇటీవల పరిస్థితులు మారాయి కాబట్టి కాంగ్రెస్ వారు కూడా ఓ ఛానల్ ని పెట్టాలని భావించారు. 

పార్టీ మాట అటుంచితే... కాంగ్రెస్ లో ఎదగాలనుకున్న వారు ఇప్పటికే తన బంధువుల చేతనో, లేక వారి తమ్ముళ్ళ చేతనో ఛానల్స్ కొనిచ్చారు.  మొన్నటికి మొన్న బొత్స సత్యనారాయణ కూడా అతని తమ్ముడి చేత   ‘జీ ’ ఛానల్ కొనిచ్చాడు. ఇక సొంత ఛానల్ లేనిది ఒక్క ముఖ్యమంత్రి కిరణ్ కుమార్ రెడ్డినే. ఈయన పదవి క్షణాన ఉంటుందో, ఏ క్షణాన ఊడుతుందో ఈయనకే తెలియని పరిస్థితి. ప్రక్క ఛానల్స్ వాళ్ళు ఈయన గురించి యల్లో ప్రచారం చేస్తే.... వాటిని తప్పి కొట్టి ప్రజలకు చూపించాలంటే ఈయకు ఓ ఛానల్ కావాలి. అందుకే సీఎం కిరణ్ కుమార్ రెడ్డి కూడా ఓ సొంత టీవీ ఛానల్ (రంగు డబ్బా) కొనడానికి సిద్ధం అయ్యాడట. దాంతో తన సోదరుడికి ఈ పనిని అప్ప జెప్పాడట. నలభై , యాభై కోట్లు వెచ్చించి ముఖ్యమంత్రి సోదరుడు ఆ ఛానల్స్ ని కొనేందుకు సిద్ధం అయ్యాడని వార్తలు. సొ... కిరణ్ కూడా తన పదవిని కాపాడుకోవడానికి సొంత రంగు డబ్బా కొనుక్కుంటున్నాడని  అనుకుంటున్నారు. మరి ఈ రంగు డబ్బా కిరణ్ జీవితాన్ని రంగుల మయం చేస్తుందో లేదో చూడాలి.